खरसाङ, 10 जनवरी (हि.स.)। घैयाबारीमा भइरहेको नगद राशि फुटबल टुर्नामेन्टको आज पाँचौं खेलमा घैयाबारी एफसीले जित हासिल गरेर क्वार्टर फाइनलमा प्रवेश गरेको छ। घैयाबारी स्पोर्ट्स वेलफेयर एसोसिएशनको आयोजनामा गत 3 जनवरीदेखि जारी नगद राशि फुटबल टुर्नामेन्ट अन्तर्गत शनिवार घैयाबारी एफसी र पन्थाबारी एफसी बागडोगरामाझ खेल सम्पन्न भयो।
यस खेलको पहिलो हाफमा घैयाबारी एफसीको तर्फबाट जर्सी नम्बर 11 विशेष प्रधानले गोल गरेर आफ्नो दललाई बढत दिलाएका थिए। पहिलो हाफको खेल 1-0 को अन्तरमा समाप्त भयो। दोस्रो हाफको खेलमा पनि घैयाबारी एफसीको तर्फबाट जर्सी नम्बर 10 मोहित ढुंगानाले गोल गरेर खेल 2-0 को बढत दिलाए।
पन्थाबारी एफसीले गोल गर्ने धेरै प्रयास गरे तापनि गोल गर्न सकेन। यस खेलमा म्यान अफ् द म्याच घैयाबारी एफसीको जर्सी नम्बर 10 मोहित ढुंगनालाई चयन गरियो। यस टुर्नामेन्टमा जम्मा 16 वटा टिमहरुले सहभागिता जनाएका छन्। यस टुर्नामेन्टको फाइनल खेल आगामी 1 फरवरीको दिन हुनेछ। टुर्नामेन्टको विजेतालाई आकर्षक ट्रफीसहित डेढ लाख रुपियाँ र उप विजेतालाई ट्रफीसहित एक लाख रुपियाँ प्रदान गरिने छ।
हिन्दुस्थान समाचार / हनोक