मुरादाबाद, 10 जनवरी (हि.स.)। उत्तर प्रदेशको पितल नगरी मुरादाबाद जिल्लाका निर्यातकहरू अमेरिकाको अतिरिक्त 25 प्रतिशत ट्यारिफको झट्काबाट माथि उक्लिन सकेकै थिएनन् कि फेरि उनीहरूलाई 500 प्रतिशत ट्यारिफको चिन्ताले सताउन थालेको छ। यदि 500 प्रतिशत ट्यारिफ लागू गरियो भने निर्यातकहरूलाई आगामी दिनमा हस्तशिल्प उत्पादहरू निर्यात गर्न अझ बढ़ी समस्या हुनेछ।
मुरादाबाद ह्याण्डीक्राफ्ट एक्सपोर्ट एसोसिएशनका महाहचिव अवधेश अग्रवालले शनिवार भने, यदि 5 सय प्रतिशत ट्यारिफ लागू भयो भने यसबाट पितल नगरी मुरादाबादको हस्तशिल्प उत्पादको ढाँचा डगमगाउनेछ। उनको भनाइ छ, अहिलेसम्ममा 2 डलरमा निर्यात गरिरहेको उत्पादको मूल्य अचानक कैयौं गुणा बढ़्नेछ। जिल्ला उद्योग केन्द्रको आँकड़ा अनुसार जिल्लाको मोठ निर्यातको 60 प्रतिशत हस्तशिल्प उत्पादको व्यापार एक्लो अमेरिकामा हुन्छ।
निर्यातक विवेक अग्रवालले बताए, 25 प्रतिशत अतिरिक्त ट्यारिफको कारण अमेरिकामा निर्यात 30 प्रतिशत घटेको छ। अब फेरि अमेरिकाद्वारा निर्यातमा 500 प्रतिशत ट्यारिफ लगाएको खबर प्रकाशमा आइरहेको छ। यदि यस्तो हो भने यसबाट अमेरिकामा हुने निर्यात धेरै महँगो हुनेछ। यस स्थितिमा एक्सपोर्ट्सलाई ठूलो नोक्सान हुनसक्छ।
हिन्दुस्थान समाचार / उष्णता छेत्री शर्मा