नाम्ची, 10 जनवरी (हि.स.)। जोरथाङ फुटबल स्टेडियममा चलिरहेको प्रतिष्ठित 11औं अखिल भारतीय मुख्यमन्त्री स्वर्ण कप फुटबल प्रतियोगिताको आज छैटौं दिन सिङलिङ स्पोर्टिङ क्लब, सिक्किम र पञ्जाब पुलिस, जालन्धरबीच खेल सम्पन्न भयो। यस खेलमा पञ्जाब पुलिसलाई 2-0 ले पराजित गरेर सिङलिङ स्पोर्टिङ क्लब अर्को चरणमा प्रवेश गऱ्यो। प्रतिद्वन्दी दल पञ्जाब पुलिसका खेलाडी कमलदीपलाई म्यान अफ् द म्याच चयन गरियो।
आज स्टेट ब्याङ्क अफ् सिक्किमका अध्यक्ष डीबी गुरुङ मुख्य अतिथि तथा सोरेङ जिल्लाका जिल्ला अध्यक्ष तिलारुपा गुरुङ र मुद्रण एवं स्टेशनरी विभागकी सल्लाहकार पेमपोकी भोटिया विशिष्ट अतिथि थिए।
यस फुटबल टुर्नामेन्टको आयोजना जोरथाङ फुटबल संघले राज्य खेलकुद एवं युवा मामिला विभाग, सिक्किम फुटबल संघ र माघे संक्रान्ति मेला 2026 आयोजक समितिको संयुक्त तत्वावधानमा गरिरहेको छ।
हिन्दुस्थान समाचार / बिशाल
