जलपाईगुड़ी, 04 जनवरी (हि. स.)। जिल्लाको राजगञ्ज ब्लक अन्तर्गत आमबाड़ी क्षेत्रको महामाया कलोनीस्थित एउटा घरमा चोरीको घटना घटेको प्रकाशमा आएको छ। गए शनिवार राती घर मालिक्नी घरमा फर्केर आउँदा मात्र घरमा चोरी भएको कुरा थाहा पाइयो।
प्राप्त जानकारी अनुसार, महामाया कलोनी निवासी शेफाली मण्डल केही दिनअघि आफ्नो भाइको घरमा गएकी थिइन्। यसै अवधि उनलाई सूचना प्राप्त भयो, विशेष गहन पुनरीक्षण (एसआइआर) सुनवाईको लागि उनकी छोरीको केही आवश्यक दस्तावेज चाहिन्छ। दस्तावेज लिनकै लागि तिनी आफ्नो भाइको घरबाट आफ्नो घरमा फर्केकी थिइन्। घरमा पुगेर हेर्दा मुख्य द्वारको ताला भत्किएको थियो। घरभित्र पसेर हेर्दा सबै सामानहरू यत्रतत्र फैलिएको थियो।
आरोप छ, चोरहरूले अलमारीमा राखेको लगभग 60 हजार रुपियाँ नगद र उनकी छोरीको सुनको गहना चोरे। स्थानीय मानिसहरूले अनुमान व्यक्त गरेका छन्, घर खाली भएको फाइदा उठाएर चोरहरूले यस घटनालाई परिणाम दिएका होलान्। घटनाको सिकायत भोरेर आलो थानामा दर्ता गरिएको छ। पुलिसले सम्पूर्ण मामिलाको जाँच शुरू गरेको छ।
हिन्दुस्थान समाचार / उष्णता छेत्री शर्मा
06 Jan 2026
