लखनऊ, 13 अक्टोबर (हि.स.)। मुख्यमन्त्री योगी आदित्यनाथले शारदीय नवरात्रको तेस्रो दिन माँ चन्द्रघन्टाको पूजा गरे। यसको महत्वलाई उजागर गर्दै मुख्यमन्त्रीले 'एक्स' मा लेखे, डबल इञ्जिन सरकारको हरेक पहल महिलाको सम्मान, आत्मसम्मान एवं गरिमापूर्ण जीवनको लागि समर्पित छ।

माँ चन्द्रघन्टाको दिव्य स्वरूपको सन्देश-

मुख्यमन्त्रीले लेखे, नारी शक्तिको तेज, गरिमा एवं अदम्य साहसको प्रतीकको रूपमा आमा चन्द्रघन्टाको दिव्य स्वरूपले हामीलाई सन्देश दिन्छ कि महिलाको सुरक्षा, सम्मान तथा आत्मसम्मान नै सशक्त एवं समृद्ध समाजको आधार हो। यसै भावनालाई अँगाल्दै प्रधानमन्त्री नरेन्द्र मोदीको मार्गदर्शनमा राज्यको डबल इञ्जिन सरकारले सुशासनको माध्यमबाट महिला सशक्तिकरणको नयाँ कीर्तिमान स्थापना गरिरहेको छ।

वर्ष 2017 भन्दा पहिला सत्ताधारी परिवारहरूको हुन्थ्यो सशक्तिकरण -

मुख्यमन्त्रीले भने, वर्ष 2017 पूर्व राज्यमा अराजकताको ताण्डवले महिलाहरूको सुरक्षा र सम्मानलाई ग्रहण लगाइदिएको थियो। त्यसताक आमा एवं दिदी-बहिनीहरूको सशक्तिकरणको सट्टा सत्ताधारी परिवारहरूको नै मुख्य उद्देश्य हुने गर्थ्यो।

मातृत्वलाई सहारा, इज्जत घरबाटै गरिमाको रक्षा-

मुख्यमन्त्रीले भने, अब 'बेटी बचाऔं-बेटी पढ़ाऔं'-बाट छोरीहरूको अस्तित्व रक्षा, शिक्षाप्रति चेतना, मुख्यमन्त्री कन्या सुमङ्गला योजनाबाट उनीहरूको उज्जवल भविष्यलाई बल, मुख्यमन्त्री सामूहिक विवाह योजनाबाट विवाहलाई गरिमापूर्ण आधार, प्रधानमन्त्री मातृ वन्दना योजनाबाट मातृत्वलाई सहारा, उज्ज्वलाबाट धुँवादेखि मुक्ति, इज्जत घरबाट गरिमाको रक्षा, घरायसी सम्पत्तिको अधिकार, 60 वर्षभन्दा अधिक आयुका महिलाहरूको लागि आजीवन निःशुल्क बस यात्रा तथा वृद्धावस्था पेन्शनको माध्यमबाट सामाजिक सुरक्षासम्म डबल इञ्जिन सरकारको हरेक पहल महिलाको सम्मान, आत्मसम्मान तथा गरिमापूर्ण जीवनको लागि समर्पित छ।

हिन्दुस्थान समाचार / उष्णता छेत्री शर्मा