जिन्द, 15 अक्टोबर (हि.स.)। जिल्लाको तलोड़ा गाउँमा गए बधवार राती सम्पत्ति विवादमा एकजना पिताले आफ्नै छोराको गोली दागी हत्या गरे। घटनाको जानकारी पाएर घटनास्थलमा पुगेको पुलिसले स्थितिको जायजा लियो। बिहीवार पुलिसले सिभिल अस्पतालमा मृतकको शवलाई पोस्टमार्टम गरी आफन्तलाई हस्तान्तरण गरेको छ। मृतककी पत्नीको उजुरीमा पुलिसले हत्या सहित विभिन्न धारा अन्तर्गत 6 जना विरुद्ध मुद्दा दर्ता गरी अनुसन्धान शुरु गरेको छ।

गाउँ तलोड़ाका बासिन्दा मुरारी लालको आफ्ना पिता गाउँका पूर्व सरपञ्च मदनसँग सम्पत्तिको विवाद भइरहेको थियो। गए बुधवार राती मदनले आफ्ना छोरामाथि गोली दागे जसले गर्दा मुरारीलाल गम्भीर रूपमा घाइते भए। घाइते मुरारीलाई उपचारको लागि सिभिल अस्पतालमा लगियो जहाँ डाक्टरहरूले उनलाई मृत घोषित गरिदिए।

घटनाको सूचना पाएपछि सदर पुलिस घटनास्थलमा पुग्यो अनि घटनाको अनुसन्धान शुरु गऱ्यो। पुलिसले घटनालाई गम्भीर रूपमा लिएर सिन अफ क्राइम टोलीको सहयोगमा प्रमाण सङ्कलन गऱ्यो।

मृतककी पत्नी शिवानीले पुलिसमा दिएको उजुरीमा बताइन, उनको चार वर्षअघि मुरारीलालसँग विवाह भएको थियो। विवाह भएदेखि नै दाइजोको लागि ससुराली पक्षले उनलाई यातना दिँदै आइरहेको थियो। उनले आरोप लगाइन्, परिवारमा लामो समयदेखिकै प्रपर्टी विवाद हुँदै आइरहेको थियो र उनका पतिलाई लगातार ज्यानमारा धम्की दिँदै आइरहेको थियो। यस सम्बन्धमा पहिला पनि पुलिसमा उजुरी गरिएको थियो, तर कुनै ठोस कारबाही भएन। उजुरी अनुसार गए 14 अक्टोबरको राती मदनले आफ्नो छोरा मुरारीलाललाई आफ्नो घरमा बोलाएर लगे। यसअघि मुरारीले सम्भावित खतराको आशङ्कामा 112 मा फोन गरेका थिए। त्यसपछि, पुलिसको एउटा टोली घटनास्थलमा

पुग्यो।

सदर थानाका अनुसन्धान अधिकारी एएसआई कमलदीपले बताए, घटनाको सूचना पाउनसाथ पुलिस घटनास्थलमा पुगेको थियो। मृतककी पत्नी शिवानीले आफ्ना ससुरा मदनलाल, सासु मन्जित कौर, दिदी पूजा र वन्दना सहित 6 जनालाई हत्या गरेको आरोप लगाएकी छन्। उजुरीको आधारमा पुलिसले 6 जनाविरुद्ध हत्या, आर्म्ड एक्ट सहित अन्य धारामा मुद्दा दर्ता गरी अनुसन्धान शुरु गरेको छ।

हिन्दुस्थान समाचार / उष्णता छेत्री शर्मा