शिमला, १६ अक्टोबर (हि.स.)। हिमाचल प्रदेशको शिमला जिल्ला स्थित रोहडूमा जलशक्ति विभागको पम्प हाउसबाट केबल चोरी भएको घटनामा पुलिसले आरोपीलाई पक्राउ गरी चोरी भएको समान जफत गरेको छ। पुलिसले आरोपीदेखि ७० एमएमका केबलका १२ बन्डल र १६ एमएमका केबलका तीन बन्डल जफत गरेको छ। जफत केबलका कूल १५ बन्डल रहेका छन्। शिमलाका पुलिस वरिष्ठ अधीक्षक गौरव सिंहले शुक्रवार यसबारे जानकारी दिएका हुन्।
वास्तवमा, यो घटना रोहडूको पौडीताल स्थित जलशक्ति विभागको पम्प हाउसबाट केबल चोरी भएको सम्बन्धमा हो। विभागका उपमण्डल अधिकारी (एसडीओ) को उजुरीका आधारमा 13 अक्टोबरमा रोहडू पुलिस थानामा प्रथम सूचना प्रतिवेदन (एफआईआर) दर्ता गरिएको थियो। पुलिसले भारतीय न्याय संहिता (बीएनएस) को धारा ३३१(४) र ३०५ अन्तर्गत मुद्दा दर्ता गरी अनुसन्धान शुरु गऱ्यो।
पुलिस वरिष्ठ अधीक्षकले प्राविधिक प्रमाण र मानवीय सूचनाका आधारमा कारबाही गर्दै शिमला जिल्लाको जबल गाउँ निवासी कैलाश चन्दलाई पक्राउ गरिएको बताए। आरोपीदेखि चोरी भएको केबल जफथ गरिएको छ।
उनले पक्रा परेको आरोपीलाई अदालतमा पेश गरिने बताए। पुलिसले घटनाका सबै पक्षमा अनुसन्धान गरिरहेको छ।
हिन्दुस्थान समाचार / भवानी थामी
