महोबा, 16 अक्टोबर (हि.स.)। प्रदेशको महोबा जिल्लामा शारदीय नवरात्रको छैटौँ दिन देवी मन्दिरहरूमा व्यापक रूपमा धार्मिक अनुष्ठानहरू भइरहेका छन्। बिहान मानिसहरूले माताको छैटौँ रूप कात्यायनी माताको पूजा गरेपछि कन्याहरूलाई भोजन गराए भने अर्कातिर देवी पण्डालहरूमा रात्रि जागरण गरिएको थियो जसलाई हेर्नका लागि ठूलो सङ्ख्यामा स्थानीयहरू भेला भएका थिए। यसरी नै भक्तहरूले घर-घरमा अनुष्ठान गराइरहेका छन्।

शारदीय नवरात्रको छैटौँ दिन देवी मन्दिरहरूमा माँ दुर्गाको छैटौं रूप मा कात्यायनीका श्रद्धालुहरूले विधि-विधानपूर्वक फूल, कपुर, बताशा, नरिवल, पान-सुपारी र ल्वाङ लिएर पूजा-अर्चना गरे। भक्तहरूले बड़ी चन्द्रिका देवी मन्दिर परिसरमा कन्याहरूलाई भोजन गराए।

जिल्ला मुख्यालयको बड़ी हाटस्थित श्री लक्ष्मी नारायण मन्दिरका पुजारी अनुज कृष्ण शास्त्रीले बताए, माँ कात्यायनी 12 वटा राशिहरूको लागि शुभ छन्। विशेष गरी कन्या र मिथुन राशिको लागि अति उत्तम छ। माँ कात्यायनीलाई हरियो र वसन्ती रङ्ग धेरै मन पर्छ। माँको पूजा गर्दा साधकहरूले पहेँलो र सेतो रङ्गको लुगा लगाउनु पर्छ। ऋषि कात्यायनको घरमा जन्म लिएका कारण उनको नाम कात्यायनी भएको हो। उनीलाई शत्रुहन्त पनि भनिन्छ। उनको आराधना गर्नाले आठ प्रकारका सिद्धीहरू प्राप्त हुन्छ।

देवी मन्दिरहरूमा दिउँसो कथा र मुण्डन जस्ता कार्यक्रमहरूको सिलसिला जारी छ भने साँझ बित्दै जाँदा फेरि एकपटक देवी मन्दिर परिसरमा आगन्तुकको घुइँचो लागिरहेको छ। यसको साथै गायत्री शक्तिपीठ, छोटी चन्द्रिका देवी मन्दिर, विन्ध्यवासिनी मन्दिर, शारदा माता मन्दिर र शीतला माता मन्दिरमा पनि श्रद्धालुहरूले पूजा-अर्चना गरे। यता शहरमा माँ दुर्गाको भव्य झाँकी सजाइयो जसलाई हेर्नका लागि स्थानीय मानिसहरूको भीड़ एकत्र भयो।

हिन्दुस्थान समाचार / उष्णता छेत्री शर्मा