जौनपुर, 16 अक्टोबर (हि.स.)। उत्तर प्रदेशको जौनपुरमा वरिष्ठ अधिवक्ता तथा भाजपाको उत्तर प्रदेश कार्यसमितिका सदस्य राजेश श्रीवास्तव बच्चा भैयाले शुक्रवार हिन्दुस्तान समाचार-का प्रतिनिधिसँग कुराकानी गर्दै लोकसभामा विपक्षका नेता राहुल गान्धी र कङ्ग्रेस अध्यक्ष मल्लिकार्जुन खरगेले सर्वोच्च अदालत समक्ष गरेका विरोधको निन्दा गर्दै यसलाई लज्जाजनक बताए।

उनले भने, सर्वोच्च अदालत देशकै सर्वोच्च न्यायिक संस्था हो जहाँ हरेक नागरिकलाई न्यायको अपेक्षा हुन्छ। यस्तो संवैधानिक संस्थाको गरिमा र मर्यादालाई कायम राख्नु सबै राजनीतिक दलहरूको दायित्व हो। लोकतन्त्रमा विरोध गर्नु राजनीतिक दलहरूको अधिकार हो, तर योसँगसँगै संवैधानिक संस्थाहरूप्रतिको सम्मानलाई कायम राख्नु पनि आवश्यक छ।

कङ्ग्रेसको राजनीतिक गतिविधिहरूले जनताको विश्वासलाई कमजोर बनाएको आरोप राजेश श्रीवास्तवले लगाए। उनले भने, लोकतन्त्रमा जनता सर्वोपरि हो र राजनीतिक दलहरूले आफ्नो आचरण मार्फत जनताको विश्वास कायम राख्नुपर्छ।

उनले भने, देशका जनताले विकास, सुशासन र राष्ट्रिय हितलाई प्राथमिकता दिन्छन्। राजनीतिक दलहरूले संवैधानिक मर्यादालाई पालना गर्दै जनहितका मुद्दाहरूमा सकारात्मक भूमिका खेल्नुपर्छ। न्यायपालिकाको गरिमा कायम राख्नु सबैको सामूहिक दायित्व हो।

हिन्दुस्थान समाचार / उष्णता छेत्री शर्मा