नारायणपुर, 20 अक्टोबर (हि.स.)। जिल्ला स्तरीय युवा उत्सवको आयोजन आगामी 30 अक्टोबरको बिहान 10 बजेदेखि सरकारी बालक उच्च माध्यमिक विद्यालय नारायणपुरमा हुनेछ। खेलकुद तथा युवा कल्याण विभागका खेलकुद अधिकारीलाई कार्यक्रमको लागि नोडल अफिसर नियुक्त गरिएको छ।
जिल्ला स्तरीय प्रतियोगितामा छनौट हुने सहभागीहरूले राज्यस्तरीय युवा महोत्सवमा जिल्लाको प्रतिनिधित्व गर्नेछन्। प्रतियोगितामा सहभागीहरूका लागि उमेर सीमा 15 देखि 29 वर्ष र सहयोगीका लागि 18 देखि 40 वर्ष तोकिएको छ।
युवा उत्सवमा 9 वटा विधामा प्रतियोगिता हुनेछ। यसमा विकसित इण्डिया च्यालेन्ज ट्र्याक, लोक नृत्य, लोककथा, चित्रकला, कविता लेखन, स्ट्रिट प्ले, क्रिएटिभ रील च्यालेन्ज, परम्परागत वेशभूषा एवं राज्य स्तरीय रक ब्याण्ड प्रतियोगिता समावेश छन्।
कलेक्टर नम्रता जैनले कार्यक्रमसँग सम्बन्धित सबै विभागलाई आपसी समन्वयका साथ समयमै आवश्यक तयारी सम्पन्न गर्न निर्देशन दिएकी छन्। जिल्ला शिक्षा अधिकारी, सहायक आयुक्त जनजाति विकास, प्रमुख कार्यकारी अधिकृत जिल्ला पञ्चायत नारायणपुर तथा ओरछा, खण्ड शिक्षा अधिकारी एवं प्रमुख नगर अधिकारीलाई कार्यक्रमको सफल सञ्चालनका लागि आवश्यक व्यवस्था सुनिश्चित गर्न निर्देशन दिइएको छ।
--------
हिन्दुस्थान समाचार / उष्णता छेत्री शर्मा
