श्रीनगर, 24 अक्टोबर (हि.स.)। मुख्यमन्त्री उमर अब्दुल्लाले शनिवार श्रीनगरमा उपराज्यपाल मनोज सिन्हासित भेट गरे।
यस बैठकमा मुख्यमन्त्रीले हालै दिल्लीबाट फर्केका उपराज्यपाल सिन्हाको स्वास्थ्यबारे पनि सोधपुछ गरे।
नेशनल कन्फरेन्सका अध्यक्ष फारुख अब्दुल्लाले लेफ्टिनेन्ट गभर्नरको पुनरागमनपछि मन्त्रीमण्डल विस्तार हुनसक्ने सङ्केत दिएका कारण पनि यो बैठक महत्त्वपूर्ण मानिएको छ।
अक्टोबर 19- मा बडगाममा पत्रकारहरूसँग कुराकानी गर्दै उनले लेफ्टिनेन्ट गभर्नरको स्वास्थ्य राम्रो नभएको र उपत्यका बाहिर रहेको बताउँदै उनी फर्केपछि मात्र प्रक्रिया अघि बढ्ने बताएका थिए। लेफ्टिनेन्ट गभर्नरको खराब स्वास्थ्यका कारण मन्त्रीमण्डल विस्तार हुन नसकेको अनि सिन्हा फर्केपछि सरकार विस्तार गरिने उनले जानकारी दिए।
उमरले अक्टोबर 7- मा फारुख अब्दुल्लासँग परामर्श विचार-विमर्श गरेपछि मन्त्रीमण्डल विस्तारको प्रक्रिया शुरु हुने बताएका थिए।
नेशनल कन्फरेन्स नेतृत्वको सरकारले अक्टोबर 16 मा कार्यकालको दुई वर्ष पूरा गऱ्यो, तर यस अवधिमा मन्त्रीमण्डल विस्तार भएन।
हिन्दुस्थान समाचार / उष्णता छेत्री शर्मा
