कोलकाता, 24 अक्टोबर (हि.स.)। पश्चिम बङ्गालको महिषादल विधानसभा निर्वाचन क्षेत्रका पूर्व माकपा विधायक दीनबन्धु मण्डलको निधन भयो। 84 वर्ष पुगेका मण्डल विगत केही दिनदेखि मुटुको रोगका कारण कोलकाताको अस्पतालमा भर्ना भएका थिए। गए शुक्रवार राती उनले अन्तिम सास लिए। मुख्यमन्त्री शुभेन्दु अधिकारीले केही दिनअघि विधानसभामा उनको सरल जीवन र काम गर्ने शैलीको प्रशंसा गरेका थिए।
दीनबन्धु मण्डलले सन् 1978 -मा जिल्ला परिषद्को चुनाउ जितेका थिए। त्यसपछि उनी सन् 1982- मा अविभाजित मेदिनीपुर जिल्लाको महिषादल विधानसभा निर्वाचन क्षेत्रबाट माकपाको टिकटमा विधायकका रूपमा निर्वाचित भएका थिए। उनले कङ्ग्रेसका उम्मेदवार रामनिमोहन मैतीलाई पराजित गरेका थिए। यस निर्वाचनमा उनले कुल 35,059 मत प्राप्त गरेका थिए। सन् 1993- मा पनि उनी जिल्ला परिषद्को सदस्यको रूपमा निर्वाचित भएका थिए।
विधानसभामा पूर्व विधायकहरूको चिकित्सा भत्ता वृद्धि सम्बन्धी छलफलका क्रममा मुख्यमन्त्री शुभेन्दु अधिकारीले दिनबन्धु मण्डलको उल्लेख गरेका थिए। मुख्यमन्त्रीले धेरैजना विधायकले इमानदारी र निष्ठापूर्वक आफ्नो कार्यकाल पूरा गरेको बताएका थिए। दीनबन्धु मण्डल पनि तीमध्ये एक हुन्। उनले अझै पनि साइकल चलाउँछन्, बजारबाट तरकारी किनेर ल्याउछन् र आम जनतासँग बसेर चिया पिउँछन्।
उनको सरल जीवनलाई उल्लेख गर्दै मुख्यमन्त्रीले बताएका थिए, दीनबन्धु मण्डलले आम जनतासँग बसेर कुराकानी गर्ने गर्दछन्। उनी पैदलै बजार जान्छन् अनि साइकलमा आवागमन गर्दछन्। उनको जीवन जन प्रतिनिधिहरूका लागि सरलता र सहजताको उदाहरण बनेको छ।
राज्यमा सत्ता परिवर्तन भएपछि सरकारले पूर्व विधायकहरूको चिकित्सा भत्ता 6 हजारदेखि बढाएर 10 हजार रुपियाँ बनाइदिएको छ। यो निर्णयलाई दीनबन्धु मण्डलले स्वागत गरेका थिए। उनले भनेका थिए, यो निसन्देह हाम्रो निर्णय भएको बताएका थिए। भत्ता नबढाएको भए पनि काम हुने थियो, तर पूर्व विधायकहरूलाई सम्मान दिनु मुख्यमन्त्रीको लागि राम्रो कुरा हो।
विधानसभामा मुख्यमन्त्रीले आफ्नो प्रशंसा गरेकोमा दिनबन्धु मण्डलले भनेका थिए, राजनीतिमा विभिन्न विचारधारा हुन सक्छ, तर आपसी सम्बन्ध राम्रो रहनुपर्छ।
--------
हिन्दुस्थान समाचार / उष्णता छेत्री शर्मा
