कोलकाता, 24 अक्टोबर (हि.स.)। पश्चिम बङ्गालका मुख्यमन्त्री शुभेन्दु अधिकारीले दिग्गज पार्श्व गायक मन्ना डेलाई उनको पुण्यतिथिमा विनम्र श्रद्धाञ्जली अर्पण गरे। मुख्यमन्त्रीले भारतीय सङ्गीत जगतमा मन्ना डेको अतुलनीय योगदानलाई स्मरण गर्दै उनलाई सङ्गीतको अमूल्य धरोहरको रूपमा वर्णन गरे।
मन्ना डेको वास्तविक नाम प्रबोध चन्द्र डे थियो। उनको जन्म 1 मई, 1919- मा कोलकातामा भएको थियो। पाँच दशकभन्दा लामो सांङ्गीतिक करियरमा उनले 3,500 भन्दा बढी चलचित्रका गीतहरूमा आफ्नो आवाज दिए।
हिन्दी र बङ्गाली बाहेक, उनले भोजपुरी, पञ्जाबी, असमिया, गुजराती, कन्नड, मलयालम एवं छत्तीसगढी लगायत धेरै भारतीय भाषाहरूमा गीत गाएका छन्।
शास्त्रीय सङ्गीतमा बलियो पकड़ भएका मन्ना डेले भारतीय शास्त्रीय सङ्गीतलाई हिन्दी सिनेमाका लोकप्रिय गीतहरूसँग जोड्न महत्वपूर्ण भूमिका खेलेका थिए। उनको गायन शास्त्रीय सङ्गीत, फिल्मी गीत, कव्वाली, गजल र भजनको अद्वितीय मिश्रण थियो। उनको लोकप्रियता सन् 1950- को मध्यदेखि सन् 1970- को दशकसम्म चरम सीमामा पुगेको थियो।
भारतीय सङ्गीतमा उनको योगदानको लागि उनलाई सन् 1971 मा पद्मश्री, सन् 2005 मा पद्मभूषण तथा दादासाहेब फाल्के पुरस्कारद्वारा सम्मानित गरिएको थियो। उनी भेण्डीबजार घरानाका थिए भने उस्ताद अमन अली खानबाट सङ्गीत शिक्षा प्राप्त गरेका थिए।
उनको 94 वर्षको उमेरमा 24 अक्टोबर, 2013 मा बेङ्गलुरुमा निधन भएको थियो।
--------
हिन्दुस्थान समाचार / उष्णता छेत्री शर्मा
