नगाउँ (असम), 25 अक्टोबर (हि.स.)। असमको नगाउँ जिल्लाको जेङ्गानी क्षेत्रमा आइतवार पुलिसले खोजी अभियानको क्रममा पिस्तौल र दुई वटा जीवित कारतुस सहित एकजना व्यक्तिलाई पक्राउ गऱ्यो। पक्राउ परेका व्यक्तिको पहिचान अबेदार चर निवासी मोहम्मद अलीको रूपमा भएको छ।

पुलिस अनुसार अभियुक्त कथित रूपमा पहिला पनि आपराधिक गतिविधिमा संलग्न रहेको छ। तथापि अधिकारीहरूले उविरुद्ध दर्ता मुद्दाहरूको विवरणको खुलासा गरेका छैनन्।

डुमडुमिया थानाका प्रभारी अधिकारी रिपन ज्योति गोगोईको नेतृत्वमा रहेको पुलिस टोलीले त्यस क्षेत्रमा अभियान चलाएर उसलाई पक्राउ गरेको हो। पुलिसले आरोपीबाट एउटा पिस्तौल, दुईवटा जीवित कारतुस, एउटा मोबाइल फोन र एएस 02एम 7600 पञ्जीकरण सङ्ख्या भएको मोटरसाइकललाई बरामद गरेको छ।

हाल डुमदुमिया थाना पुलिसले अभियुक्तलाई सोधपुछ गरिरहेको छ। यस विषयमा अनुसन्धान भइरहेको छ र थप विवरणको प्रतिक्षा छ।

--------

हिन्दुस्थान समाचार / उष्णता छेत्री शर्मा