धुबड़ी (असम), २५ अक्टोबर (हि.स.)। धुबड़ी शहरमा आइतवार बिहान एउटा आवासीय परिसरबाट पश्चिम बङ्गालको दार्जिलिङ निवासी १७ वर्षीय किशोरको शङ्कास्पद अवस्थामा शव फेला परेपछि क्षेत्रमा खैलाबैला फैलिएको छ। पुलिसले घटनाको अनुसन्धान शुरु गरेको छ।

मृतकको पहिचान अनुज राईका रूपमा भएको छ। उनी धुबड़ीमा दार्जीलिङका केही व्यक्तिहरूले सञ्चालन गरेको मोमो पसलमा काम गर्थे। उनको शव शहरको जीटीबी रोड स्थित पञ्चमोर क्षेत्रको श्रीमन्त कम्प्लेक्स परिसरबाट कब्जामा गरिएको हो।

प्राप्त जानकारी अनुसार, दार्जिलिङका लगभग नौ जना व्यक्ति उक्त कम्प्लेक्समा भाड़ाको घरमा सँगै बस्दै आएका थिए। मृतकसँग एउटै कोठामा बस्ने एक व्यक्तिले सञ्चारमाध्यमलाई बताए अनुसार अनुजले अघिल्लो रात कोठाबाट बाहिर निस्कनुअघि कोठालाई बाहिरबाट बन्द गरेका थिए।

यद्यपि अनुजको मृत्यु कुन परिस्थितिमा भयो भन्ने कुरा अहिलेसम्म खुल्न सकेको छैन। घटनाबारे सूचना प्राप्त भएपछि पुलिस घटनास्थलमा पुगेर शव कब्जामा लिनका साथै अनुसन्धान शुरु गऱ्यो। पुलिसले मृत्युको कारण पत्ता लगाउन र घटनाक्रमका विभिन्न पक्ष जोडेर अनुसन्धान अघि बढ़ाइरहेको छ।

यस घटनाबारे विस्तृत जानकारी अनुसन्धान पूरा भएपछि मात्र सार्वजनिक हुन सक्नेछ।

हिन्दुस्थान समाचार / भवानी थामी