सिलगढ़ी, २६ अक्टोबर (हि.स.)। रेलमार्गबाट हतियार तस्करी गर्ने प्रयासलाई एनजेपी स्टेशनमा रेलवे पुलिसले विफल पारेको छ। संयुक्त अभियान सञ्चालन गरी पुलिसले विवेक एक्सप्रेसको साधारण डिब्बामा तलासी लिने क्रममा बिहारका दुई युवकलाई आग्नेयास्त्र सहित पक्राउ गरेको छ। पक्रा परेका युवकहरूको पहिचान रोहन कुमार (२०) र गुड्डु कुमार (१९) का रूपमा भएको छ।
पुलिस सूत्र अनुसार, आइतवार अबेर राति सिलगढ़ी जीआरपीको विशेष अपरेशन समूह (एसओजी) र एनजेपी जीआरपी पुलिसले संयुक्त अभियान सञ्चालन गरेका थिए। यसै क्रममा प्लेटफर्म नम्बर ६ मा आइपुगेको डाउन विवेक एक्सप्रेसको साधारण डिब्बामा तलासी लिइएको थियो। शङ्काका आधारमा दुवै युवकलाई नियन्त्रणमा लिएर उनीहरूको स्कूल ब्याग जाँच गर्दा आग्नेयास्त्र जफत भयो।
एनजेपी जीआरपीले आज दुवै आरोपीलाई जलपाइगढ़ी अदालतमा पेश गरी पुलिस हिरासतमा राख्न अनुमति माग्नेछ।
हिन्दुस्थान समाचार / भवानी थामी
