गुवाहाटी, 04 अक्टोबर (हि.स.)। गुवाहाटी महानगरीय क्षेत्रको गोरचुक थाना क्षेत्रमा रहेको गणेश मन्दिरमा आइतवार बिहान चोरी भएको खबर प्राप्त भएको छ।

पुलिसले हिजो राति बोरागाउँको गणेश मन्दिरमा चोरहरूले प्रवेश गरेर गणेश मूर्तिबाट गहना चोरेर भागेको बताएको छ। उनीहरूले चाँदीको मूर्ति, दानपेटी, नगद र लगभग तीन लाख रुपियाँ बराबरको गहना लिएर भागेका छन्।

राष्ट्रिय राजमार्गमा रहेको गणेश मन्दिरमा चोरी भएपछि मन्दिर व्यवस्थापन समितिले स्थानीय पुलिस चौकीमा पहिलो सूचना प्रतिवेदन (एफआईआर) दर्ता गरेको छ। पुलिसले एफआईआरको आधारमा चोरीको समाधान गर्न काम गरिरहेको छ।

हिन्दुस्थान समाचार / भवानी थामी