नयाँ दिल्ली, 0५ अक्टोबर (हि.स.)। प्रधानमन्त्री नरेन्द्र मोदीले सोमवार भारतले स्विट्जरल्यान्डमा आफ्नो निर्यातका लागि बजार पहुँच विस्तार गर्न तथा दुई देशबीच लगानीलाई सहज बनाउन धेरै महत्वपूर्ण निर्णय गरेको बताएका छन्। यसबाट भारतका कृषि, औषधि, कपड़ा तथा इन्जिनियरिङ उत्पादनको स्विट्जरल्यान्डमा निर्यात बढ्नेछ। साथै जैव प्रविधि, जीवन विज्ञान, ब्याङ्किङ, बिमा, खाद्य प्रशोधन तथा दिगो विकास जस्ता क्षेत्रमा स्विस लगानी आकर्षित गरिनेछ।

प्रधानमन्त्री मोदी र स्विट्जरल्यान्डका राष्ट्रपति गाइ पार्मेलिनबीच सोमवार नयाँ दिल्ली स्थित हैदराबाद हाउसमा द्विपक्षीय वार्ता भयो। वार्तापछि जारी संयुक्त वक्तव्यमा प्रधानमन्त्री मोदीले भारत र स्विट्जरल्यान्डबीचको मित्रता पुरानो रहेको र अहिले नवाचार, पूर्वाधार तथा उन्नत प्रविधि दुवै देशबीचको साझेदारीका बलिया स्तम्भका रूपमा स्थापित भएको बताए। दुवै देशले सैन्य आदान-प्रदान तथा रक्षा उत्पादन र सहयोगका नयाँ सम्भावनाहरू पहिचान गरेका छन्। साथै आणविक ऊर्जाको क्षेत्रमा सहयोगलाई थप गहिरो बनाउने सहमति पनि भएको छ।

प्रधानमन्त्रीले विज्ञान तथा प्रविधिको क्षेत्रमा पनि दुई देशबीचको सहयोग सुदृढ़ हुँदै गएको बताए। स्वास्थ्य, स्वच्छ ऊर्जा तथा अन्तरिक्ष जस्ता क्षेत्रमा नयाँ संयुक्त अनुसन्धान परियोजना शुरु गरिने उनले बताए। भारतीय विज्ञान सम्बन्धी स्टार्टअपको क्षमता विस्तार गर्न ज्युरिख विश्वविद्यालयसँग भएको सम्झौताको स्वागत गर्दै उनले योग तथा आयुर्वेदको क्षेत्रमा सहयोग बढ़ाउने बताए।

मोदीले प्रवासन तथा गतिशीलता साझेदारी सम्झौता र युवा पेशेवर सम्झौताले भारतीय विद्यार्थी, अनुसन्धानकर्ता, पेशेवर तथा युवाहरूका लागि स्विट्जरल्यान्डमा नयाँ अवसर खोल्ने बताए। दुवै देश लोकतान्त्रिक मूल्य, कानुनी शासन, संवाद तथा कूटनीतिमा विश्वास राख्ने र विश्व शान्ति तथा स्थिरताका लागि मिलेर काम गरिरहने उनले बताए।

मोदीले गत वर्ष अक्टोबरमा आफ्नो समर्थनमा भारत र युरोपेली स्वतन्त्र व्यापार संघ (ईएफटीए)का देशहरूबीच भएको ऐतिहासिक सम्झौता लागू भएको बताए। युरोपको कुनै आर्थिक समूहसँग भारतले गरेको यो पहिलो मुक्त व्यापार सम्झौता भएको उनले बताए।

उनले ७ अक्टोबरमा आफ्नो उपस्थितिमा ‘भारत–ईएफटीए व्यापार नेताहरूको समृद्धि शिखर सम्मेलन’ आयोजना गरिने जानकारी दिए। यो सम्मेलन व्यापार तथा लगानी साझेदारीका सम्भावनालाई ठोस परिणाममा रूपान्तरण गर्न महत्वपूर्ण मञ्च बन्ने उनले बताए। मोदीले आगामी वर्ष जेनेभामा आयोजना हुने कृत्रिम बुद्धिमत्ता शिखर सम्मेलनको सफलताका लागि पनि स्विट्जरल्यान्डलाई शुभकामना दिए।

प्रधानमन्त्री मोदीले युरोपेली स्वतन्त्र व्यापार संघ (ईएफटीए)ले भारतसँगको व्यापार तथा आर्थिक साझेदारी सम्झौता अन्तर्गत आगामी १५ वर्षमा १०० अरब अमेरिकी डलर लगानी गर्ने बताए। यसबाट १० लाख प्रत्यक्ष रोजगारी सिर्जना गर्ने लक्ष्य राखिएको छ। यो सम्झौता लगानी, नवप्रवर्तन, रोजगारी तथा पारस्परिक समृद्धिको महत्वाकांक्षी खाका भएको उनले बताए।

मोदीले वाराणसीमा निर्माण भइरहेको रोपवे, नोएडाको जेवर विमानस्थल तथा पहाड़ी क्षेत्रमा निर्माण भइरहेका रेलमार्ग र सुरुङ परियोजनालाई भारत–स्विट्जरल्यान्ड पूर्वाधार सहयोगका उदाहरणका रूपमा प्रस्तुत गरे। यातायात, आवागमन तथा पूर्वाधारका क्षेत्रमा सोमवार भएका सम्झौताले यो सहयोगलाई थप सुदृढ़ बनाउने उनले बताए। प्रधानमन्त्रीले स्विस पूर्वाधार कम्पनीहरूलाई भारतमा लगानी गर्न तथा क्षमता निर्माण, डिजाइन र उत्पादनका क्षेत्रमा सहभागी हुन आमन्त्रण गरे।

हिन्दुस्थान समाचार / भवानी थामी