चण्डीगढ़, 01 नोभेम्बर (हि.स.)। पञ्जाबमा आगामी विधानसभा चुनाउअघि आम आदमी पार्टी (आआप)- लाई ठूलो झट्का लागेको छ। उम्मेद्वारहरूको पहिलो सूची जारी गरिएको मात्एर क दिनपछि आइतवार पार्टीका दुई जना वर्तमान विधायक हरमित सिंह पठानमाजरा (सनौर) र चेतन सिंह जौरामाजरा (समाना)- ले पार्टीबाट राजीनामा दिए।

यसलाई विधानसभा चुनाउमा टिकट काटिने सम्भावनासँग जोड़ेर हेरिँदैछ। आम आदमी पार्टी यी दुई विधायकलाई पुनः चुनाउ मैदानमा उतार्ने पक्षमा नरहेको पनि मानिँदैछ। पार्टीले हालै दुवै निर्वाचन क्षेत्रमा नयाँ निर्वाचन क्षेत्र प्रभारी नियुक्त गरेर यस्तो सङ्केत दिएको थियो। पार्टीले सनौर विधानसभा निर्वाचन क्षेत्रको निर्वाचन क्षेत्र प्रभारीका रूपमा रणजोध हदानालाई नियुक्त गरेको थियो भने सुजीत सिंह राख्रालाई समानाको निर्वाचन क्षेत्रको प्रभारी नियुक्त गरिएको थियो। यी नियुक्तिपछि नै दुवै सीटमा पार्टीको चुनावी रणनीति परिवर्तन हुनेलाई लिएर चर्चा तीव्र भएको थियो।

स्मरण गराइन्छ, हरमित सिंह पठानमाजरा बलात्कारको मुद्दामा दर्ता भएदेखि नै विवादमा परेका छन्। मुद्दा दर्ता भएपछि उनी भागेको खबरले उनको राजनीतिक स्थितिबारे पनि प्रश्न खडा गरेको थियो। अब दुई विधायकको राजीनामाले पञ्जाबको राजनीतिमा नयाँ समीकरण सिर्जना गर्ने सम्भावना छ।

-----------

/ बिशाल