अरारिया ०1 नोभेम्बर (हि.स.)। जिल्लाको जोगबनी मुख्य सीमा संलग्न नेपाल क्षेत्रमा आइतवार भएको सन्दिग्ध बम विस्फोटमा दुई जना मानिसहरू घाइते भएका छन्। यो विस्फोट जोगबनी सीमादेखि मात्र आधा किलोमीटर टाढ़ामा भएको थियो। शक्तिशाली विस्फोटले दुई देशको सीमा क्षेत्रमा हलचल मच्चाएको छ। मोरङ जिल्लाको बिराटनगर नगरनिगमको वड़ा नम्बर- 15 जुट मिल पछाडिको खाली ठाउँमा आइतवार बिहान यो घटना भएको हो। वास्तवमा त्यस ठाउँमा थुप्रिएको मैला-कुचैला सफा गरिँदै थियो। यसै अवधि यो विस्फोट भयो।

विष्फोटमा स्थानीय बासिन्दा नजवा खातुन (40) र उनका ससुरा हैदर अली (65) घाइते भएको नेपालको मोरङ जिल्ला पुलिसले जनाएको छ। खातुनको दुवै हात र छातीमा चोट लागेको छ भने अलीको देब्रे हात र दाहिने खुट्टामा चोट लागेको पुलिसले जनाएको छ।

घटनाको जानकारी पाएपछि रानी क्षेत्र पुलिस कार्यालयका वरिष्ठ उप-निरीक्षक रामप्रसाद शर्माको नेतृत्वमा टोली घटनास्थलमा पुग्यो। दुवै घाइतेलाई उपचारको लागि स्थानीय केन्द्र जितु मेडिकल अस्पतालमा लगियो। पुलिस अनुसार उनीहरूको अवस्था स्थिर छ। बम जस्ता सामग्री कहाँबाट आयो, पुलिसले अनुसन्धान गरिरहेको छ। पुलिसले छेउछाउको सीसीटीभी क्यामराको फुटेजको पनि जाँच गरिरहेको छ।

हिन्दुस्थान समाचार / उष्णता छेत्री शर्मा