कछार पुलिसले 16,000 सन्दिग्ध 'याबा' ट्याब्लेट जफत गऱ्यो , एकजना पक्राउ
असमः कछार जिला पुलिस द्वारा एक घर में छुपाकर रखे गये नशीले याबा टैबलेट्स के साथ गिरफ्तार तस्कर की तस्वीर।


सैदुल हक लस्करको घरमा पुलिसको छापामारी, अभियुक्तबाट दुई वटा मोबाइल फोन जफत

कछार (असम), 16 नोभेम्बर (हि.स.)। असमको बराक उपत्यकास्थित कछार जिल्लामा गत आइतवार राती पुलिसले छापामारी गरी लगभग 16 हजार सन्दिग्ध याबा ट्याब्लेटहरू जफत गऱ्यो। जफत गरिएको ट्याब्लेटको वजन लगभग एक किलो 750 ग्राम रहेको बताइएको छ। पुलिसले यस मामिलामा एकजना व्यक्तिलाई पक्राउ गरेको छ।

गुप्त सूचनाको आधारमा कार्य गर्दै पुलिसको टीमले कचुदारम थाना अन्तर्गत कचुदाराम पार्ट-4 मा अवस्थित एउटा घरमा खोजी अभियान सञ्चालन गऱ्यो। पुलिस उपाधीक्षक (विशेष शाखा) दिलराज पाठकको नेतृत्वमा गरिएको उक्त कारबाहीमा सन्दिग्ध लागूऔषध बरामद गरियो।

पुलिसले कछार जिल्लाको सोनाबारीघाटका बासिन्दा अताउल्लाह लस्करलाई लागूऔषध राखेको आरोपमा पक्राउ गरेको छ। अपरेशनको क्रममा उसको कब्जाबाट दुई वटा मोबाइल फोन पनि जफत गरियो।

पुलिस अनुसार छापामारीको यो कारबाही सैदुल हक लस्करको घरमा गरिएको थियो जहाँबाट अताउल्ला लस्करलाई पक्राउ गरियो। जफत गरिएको मादक पदार्थको अनुमानित बजार मूल्य लाखौँ रुपियाँ रहेको बताइएको छ।

कछार पुलिसले जिल्लामा लागूऔषध तस्करी एवं अवैध भण्डारणलाई रोक्नको लागि निरन्तर अभियान चलाइरहेको छ। ताजा कारबाहीलाई यसैको एक भागको रूपमा हेरिएको छ।

--------

/ बिशाल


 rajesh pande