भाजपाले राहुल गान्धीको नक्कल गर्दै लोकतन्त्र बचाउने नाममा ऱ्याली निकालिरहेको छः कवासी लखमा
कवासी लखमा


सुकमा, 16 नोभेम्बर (हि.स.)। पूर्व मन्त्री तथा केन्टाका विधायक कवासी लखमाले भाजपाको लोकतन्त्र बचाऔं अभियानमाथि कटाक्ष गर्दै भने, केन्द्र र छत्तीसगढ़मा भाजपाको सरकार छ भने लोकतन्त्र कसरी खतरामा छ। लखमाले आरोप लगाए, भाजपाले जनतालाई आधारभूत सुविधाहरू प्रदान गर्नको सट्टा संविधान र लोकतन्त्र बचाउने नाममा ऱ्यालीहरू निकालिरहेको छ। जनताको समस्या समाधान गर्नुको सट्टा उनीहरूलाई भ्रममा पारिरहेको छ।

उनले भाजपाको यस अभियानलाई राजनीतिक आन्दोलन बताउँदै अघि भने, केन्द्रदेखि राज्य, नगरपालिका एवं नगर पञ्चायतसम्म भाजपाको सरकार छ। सरकार तथा कानुन-व्यवस्थाको जिम्मेवारी पनि भाजपाको हो। त्यसैले लोकतन्त्र खतरामा परेको कुरा किन गरिँदैछ। भाजपाले अहिले राहुल गान्धीको नक्कल गरिरहेको आरोप लखमाले लगाए। उनले भने, राहुल गान्धीले देशभरि भाजपाका नीतिहरूविरुद्ध आवाज उठाउँदैछन्। उनको अभियानले भाजपाको डबल इञ्जिन सरकार चिन्तित भएको छ। लखमाले राहुल गान्धी देशको आगामी प्रधानमन्त्री बन्ने दाबी गर्दै भने, जनताले सबै कुरा हेरिरहेका छन् र आउँदो चुनाउमा भाजपालाई उचित जवाफ दिनेछन्। अमेरिकी राष्ट्रपति डोनाल्ड ट्रम्पको उदाहरण दिँदै उनले भारतका जनताले चुनाउमा त्यस्तै प्रतिक्रिया दिने बताए जसरी त्यहाँका जनताले आफ्नो फैसला दिएका छन्।

राजनीतिक बयानबाजीसँगै लखमाले धान खरिद व्यवस्थालाई लिएर पनि सरकारलाई लक्षित गरे। नोभेम्बर 15- देखि धान खरिद शुरु गर्ने घोषणा भए पनि सुकमा र बस्तरका धेरैवटा खरिद केन्द्रहरूमा तयारी अधुरो रहेको उनले आरोप लगाए। खरिद शुरु भएको दिन पनि मण्डीहरू सफा गरिएको थिएन। उनले भने, किसानहरूले ऋण लिएर खेती गर्छन्। यदि धान समयमै बिक्री भएन भने किसानहरूले आफ्नो ऋण कसरी तिर्ने? मौसमको अनिश्चितताका कारण बस्तरका किसानहरूले धानको कटनी अगावै गर्छन्। यस्तो अवस्थामा खरीदमा ढिल्याई गर्दा उनीहरूको समस्या बढ्न सक्छ।

--------

हिन्दुस्थान समाचार / उष्णता छेत्री शर्मा


 rajesh pande