
- देवेरगाउँमा अखिल बोड़ो पूर्व स्वयंसेवक बलको तत्वावधानमा जनसभा आयोजित
कोकराझार (असम), 18 नोभेम्बर (हि.स.)। छुट्टै बोडोल्याण्ड राज्य गठनको मागलाई लिएर कोकराझारमा फेरि एकटपक राजनीतिक गतिविधि तीव्र भएको छ। यस मागलाई लिएर आज कोकराझार जिल्लाको देवेरगाउँमा अखिल बोड़ो पूर्व स्वयंसेवक बल (अल बोड़ो एक्स-भोलन्टियर फोर्स)- को नेतृत्वमा विशाल जनसभा आयोजना गरियो। जनसभामा ठूलो सङ्ख्यामा मानिसहरूले भाग लिएर छुट्टै बोडोल्याण्ड राज्य गठनको मागलाई समर्थन गरे।
यस अवसरमा पूर्व लोकसभा सांसद चन्दन कुमार खुङ्गुर बासुमतारीले पनि जनसभामा भाग लिएर छुट्टै बोडोल्याण्ड राज्यको मागबारे आफ्ना विचार व्यक्त गरे।
सभालाई सम्बोधन गर्दै विभिन्न वक्ताहरूले राजनीतिक अधिकार, स्वायत्तता एवं दीर्घकालीन छुट्टै राज्य गठनको मागलाई प्रमुखताले उठाए। वक्ताहरूले भने, बोडोल्याण्ड राज्यको मागलाई बलियो बनाउनको लागि सामूहिक एकता र लोकतान्त्रिक आन्दोलनलाई अगाडि बढ़ाउन आवश्यक छ।
जनसभामा छुट्टै बोडोल्याण्ड राज्य गठनका लागि संयुक्त आवाज उठाउन पनि जोड़ दिइयो। देवेरगाउँमा आयोजित उक्त विशाल जनसभाको माध्यमबाट छुट्टै बोडोल्याण्ड राज्यको मुद्दा फेरि एक पटक राजनीतिक र सामाजिक चर्चाको केन्द्रमा आएको छ।
उल्लेख्य, छुट्टै बोडोल्याण्ड राज्यको गठन बोडो समुदायको लामो समयदेखि रहेको राजनीतिक मागहरूमध्ये एक हो। यस जनसभाले यस मागलाई लिएर यस क्षेत्रमा फेरि एक पटक नयाँ राजनीतिक बहसलाई जन्म दिएको छ।
हिन्दुस्थान समाचार / उष्णता छेत्री शर्मा