
सिलगढ़ी, १८ नोभेम्बर (हि.स.)। माल्दाबाट ब्राउन शुगर ल्याएर बागडोगरामा आपूर्ति गर्ने प्रयासलाई विफल पार्दै पुलिसले एक युवकलाई पक्राउ गरेको छ। आरोपीको पहिचान बाबुल हुसेनका रूपमा भएको छ। उ माल्दा जिल्लाको कालियाचक निवासी हो।
पुलिस सूत्र अनुसार, आरोपीले माल्दाबाट बसमार्फत तीन वटा प्याकेटमा ब्राउन शुगर बोकेर बागडोगरा आउँदै गरेको गोप्य सूचना प्राप्त भएको थियो। यहाँको बिहार मोड़ क्षेत्रमा लागुऔषधको खरिद-बिक्रीका लागि लेनदेन गर्ने योजना रहेको सूचना पनि प्राप्त भएको थियो।
उक्त सूचनाका आधारमा पुलिसले आरोपीको गतिविधिमाथि निगरानी राख्न शुरु गर्यो। मंगलवार अबेर राति मुनि मोड़मा बसबाट ओर्लिनेबित्तिकै पुलिसले उसलाई रोकेर खानतलासी लियो। यस क्रममा उदेखि तीन वटा प्याकेटमा राखिएको कूल २६८ ग्राम ब्राउन शुगर जफत भएको छ।
पुलिसले आरोपी विरुद्ध एनडीपीएस ऐन अन्तर्गत मुद्दा दर्ता गरी पक्राउ गरेको छ। बुधवार उसलाई सिलगढ़ी महकुमा अदालतमा पेश गरिनेछ। पुलिसले घटनाको अनुसन्धान गर्दै लागुऔषध तस्करीमा संलग्न अन्य व्यक्तिहरूको पहिचान गर्ने प्रयास गरिरहेको छ।
हिन्दुस्थान समाचार / भवानी थामी