लोकसभा अध्यक्ष सहित विभिन्न नेताद्वारा ‘देव उठनी एकादशी’ को अवसरमा देशवासीलाई शुभकामना
प्रतीकात्मक


नयाँ दिल्ली, २० नोभेम्बर (हि.स.)। लोकसभा अध्यक्ष ओम बिरला र रक्षा मन्त्री राजनाथ सिंह सहित विभिन्न नेताहरूले शुक्रवार कार्तिक शुक्ल एकादशीको पावन पर्व ‘देव उठनी एकादशी’को अवसरमा देशवासीहरूलाई हार्दिक शुभकामना व्यक्त गरेका छन्।

बिरलाले एक्समा लेख्दै भारतीय साहित्य तथा प्राचीन धार्मिक परम्पराहरूमा देव उठनी एकादशीको विशेष आध्यात्मिक एवं सांस्कृतिक महत्त्व रहेको बताएका छन्। यस दिन भगवान् श्रीहरि विष्णु आफ्नो योग-निद्राबाट जाग्नु हुने धार्मिक मान्यता रहेको उनले उल्लेख गरेका छन्।

यसै दिनदेखि ‘चातुर्मास’ समाप्त हुने र विवाह लगायत विभिन्न शुभकार्यको शुरुआत हुने उनले बताएका छन्। ‘तुलसी विवाह’ को परम्पराले यस पर्वलाई अझ् विशेष बनाएको पनि उनले उल्लेख गरेका छन्।

उनले भनेका छन्, “यो उत्सवले हाम्रो सनातन जीवन-पद्धतिमा प्रकृति, उपासना, पारिवारिक मूल्य र सामाजिक कल्याणबीचको सुन्दर सामञ्जस्यलाई दर्शाउँछ। देव उठनी एकादशीको यस पावन अवसरले हामीलाई नयाँ ऊर्जा, शुभ सङ्कल्प र सकारात्मक दृष्टिकोणका साथ अगाडि बढ्ने प्रेरणा प्रदान गरोस्।”

भगवान् श्रीहरि विष्णुको कृपाले प्रत्येक परिवारमा सुख, शान्ति, उत्तम स्वास्थ्य र समृद्धिको वास होस् भन्ने कामना गर्दै उनले सनातन परम्पराको अमूल्य सांस्कृतिक धरोहरले समाजमा सद्भाव, सामञ्जस्य र जनकल्याणको भावनालाई अझ् सुदृढ़ बनाओस् तथा राष्ट्र निरन्तर प्रगति, समृद्धि र सर्वाङ्गीण विकासको मार्गमा अगाड़ी बढ़िरहोस् भन्ने शुभेच्छा व्यक्त गरेका छन्।

रक्षा मन्त्री राजनाथ सिंहले भारतीय संस्कृति र आस्थामा देव उठनी एकादशीको विशेष महत्त्व रहेको बताएका छन्। यस दिन भगवान् श्रीहरि विष्णु आफ्नो योग-निद्राबाट जाग्नुहुने र शुभकार्यको शुरुआत हुने धार्मिक मान्यता रहेको उनले उल्लेख गरेका छन्। भगवान् श्रीहरि विष्णुको आशीर्वाद सबैमाथि कायम रहोस् तथा प्रत्येक परिवारको जीवनमा सुख, शान्ति र समृद्धि छाओस् भन्ने कामना उनले गरेका छन्।

केन्द्रिय कृषि तथा किसान कल्याण मन्त्री शिवराज सिंह चौहानले सृष्टिका पालनकर्ता भगवान् विष्णु र माता तुलसीको कृपाले सबैको जीवन सुख, शान्ति एवं समृद्धिले भरिपूर्ण बनोस् भन्ने प्रार्थना गरेका छन्।

त्यसैगरी, केन्द्रिय संस्कृति तथा पर्यटन मन्त्री गजेन्द्र सिंह शेखावतले देवउठनी एकादशी र तुलसी विवाहको अवसरमा संसारका पालनकर्ता भगवान् विष्णुको चरणमा साष्टाङ्ग नमन गरेका छन्।

केन्द्रिय कपड़ा मन्त्री गिरिराज सिंहले भगवान् श्रीहरि विष्णु र माता तुलसीको कृपाले सबैको जीवनमा सुख, शान्ति, समृद्धि र सौभाग्य प्राप्त होस् भन्ने कामना गरेका छन्। सबै शुभकार्यको यो मङ्गलमय शुरुआतले सबैका लागि सौभाग्य लिएर आओस् भन्ने शुभेच्छा पनि उनले व्यक्त गरेका छन्।

/ बिशाल


 rajesh pande