‘कौशल दीक्षान्त समारोह’ मा सहभागी हुने प्रधानमन्त्री नरेन्द्र मोदी
फाइल फोटो— प्रधानमंत्री नरेन्द्र मोदी


लखनऊ, २० नोभेम्बर (हि.स.)। प्रधानमन्त्री नरेन्द्र मोदी २१ नोभेम्बरमा लखनऊ स्थित इन्दिरा गान्धी प्रतिष्ठानमा आयोजना हुने ‘कौशल दीक्षान्त समारोह’ मा प्रमुख अतिथिका रूपमा सहभागी हुनेछन्।

यस समारोहमा मुख्यमन्त्री योगी आदित्यनाथ र केन्द्रिय कौशल विकास मन्त्री जयन्त चौधरी पनि विशेष रूपमा उपस्थित रहनेछन्। प्रदेशका व्यावसायिक शिक्षा, कौशल विकास तथा उद्यमशीलता राज्यमन्त्री (स्वतन्त्र प्रभार) कपिल देव अग्रवालले शुक्रवार उक्त जानकारी दिएका हुन्।

उनले बताए अनुसार, प्रधानमन्त्रीले राष्ट्रिय स्तरका प्रतियोगिताहरूमा उत्कृष्ट प्रदर्शन गर्ने प्रतिभाशाली युवाहरूलाई सम्मान तथा प्रोत्साहन गर्नेछन्। यसबाट युवाहरूलाई आत्मनिर्भर बन्न प्रेरणा मिल्नेछ।

प्रधानमन्त्री नरेन्द्र मोदीको परिकल्पना तथा मुख्यमन्त्री योगी आदित्यनाथको नेतृत्वमा उत्तर प्रदेशले कौशल विकास र रोजगारी सिर्जनाको क्षेत्रमा नयाँ कीर्तिमान स्थापित गरिरहेको छ। यसलाई लिएर प्रदेशवासीमा व्यापक उत्साह रहेको छ।

/ बिशाल


 rajesh pande