नाम्ची, 06 नोभेम्बर (हि.स.)। सिक्किम साहसिक पर्यटन महोत्सवको छैटौँ दिन आज लिङ्खिमटारमा साहसिक गतिविधिअन्तर्गत रोमाञ्चक र्याफ्टिङ सम्पन्न भयो। सिक्किम इन्स्पायर्सका छ जना सदस्यसहित सात सदस्यीय टोली अपराह्न करिब १ः४० बजी र्याफ्टमार्फत लिङ्खिमटार आइपुगेको थियो।
यस गतिविधिले साहसिक भावना, सामूहिक सहकार्य र सहनशीलताको उत्कृष्ट प्रदर्शन गरेको थियो। सप्ताहव्यापी महोत्सवमा समावेश विभिन्न साहसिक गतिविधिमध्ये यसले थप आकर्षण थपेको छ।
यसैगरी, पर्यटन तथा नागरिक उड्डयन विभागको आतिथ्य सत्कार शाखा र जिल्ला पर्यटन कार्यालयका सहभागीहरूबीच अब्स्ट्याकल रन प्रतियोगिता पनि आयोजना गरियो। प्रतियोगितामा सहभागीहरूले आफ्नो समन्वय र सामूहिक भावनाको प्रदर्शन गरेका थिए।
अन्तर तथा अन्तरविभागीय अब्स्ट्याकल रन प्रतियोगिताको अन्तिम चरण भोलि आयोजना हुने कार्यक्रम रहेको छ। यससँगै प्रतियोगिताको समापन हुनेछ।
---------------
हिन्दुस्थान समाचार / बिशाल
06 Nov 2026
