नयाँ दिल्ली, ०६ अक्टोबर (हि.स.)। फरीदाबाद स्थित कर्मचारी राज्य बीमा निगम (ईएसआईसी) मेडिकल कलेज तथा अस्पतालले नेत्ररोग उपचार तथा शल्यक्रियाको क्षेत्रमा ठूलो उपलब्धि हासिल गरेको छ। अस्पतालमा कर्निया प्रत्यारोपणको शल्यक्रिया सफलतापूर्वक सम्पन्न भएको छ।

अस्पतालमा २७ अक्टोबरका दिन सफलतापूर्वक पेनेट्रेटिङ केराटोप्लास्टीको शल्यक्रिया सम्पन्न गरियो, जसलाई सामान्यतया कर्निया प्रत्यारोपण भनिन्छ। यो संस्थानको विशेषज्ञ नेत्र चिकित्सा सेवाको क्षेत्रमा एउटा महत्त्वपूर्ण उपलब्धि हो।

कर्नियामा धमिलोपनका कारण दृष्टि कमजोर भएका ४६ वर्षीय एक बिरामीमा उक्त शल्यक्रिया गरिएको थियो। जटिल प्रकृतिको यस शल्यक्रियालाई डा. एसआर सिंह, डीएमएस (नेत्र शल्य चिकित्सक) तथा उनको टोलीले सफलतापूर्वक सम्पन्न गरेको हो।

यो उपलब्धि विशेषज्ञ चिकित्सा सेवालाई सुदृढ़ बनाउनुका साथै ईएसआईसीका लाभार्थीहरूलाई उन्नत स्वास्थ्य सुविधा उपलब्ध गराउने दिशामा महत्त्वपूर्ण कदम हो। यस उपलब्धिका लागि संस्थानले नेत्र चिकित्सा विभागका टोलीको समर्पित प्रयास, चिकित्सकीय दक्षता तथा उत्कृष्ट कार्यको प्रशंसा गरेको छ।

हिन्दुस्थान समाचार / भवानी थामी