सिलगढ़ी, 06 नोभेम्बर (हि.स.)। अलिपुरद्वारमा श्यामा पूजाको उद्घाटन गर्नका लागि भाजपाका प्रदेश अध्यक्ष शमिक भट्टाचार्य शुक्रवार बागडोगरा विमानस्थल आइपुगे। यस अवधि हवाईअड्डामा पत्रकारहरूसँग कुराकानी गर्दै शमिक भट्टाचार्यले भने, पश्चिम बङ्गालमा लामो समयसम्म उद्योग अनुकूल वातावरणको अभाव रह्यो। राज्यमा उद्योगहरूका लागि उपयुक्त शहर एवं वातावरण थिएन जसकारण पूँजी यहाँबाट अन्य राज्यहरूमा गइरहेको थियो। तथापि 4 मई, 2026 (चुनाउ परिणामको घोषणा) -पछि उद्योगपति, उद्यमी एवं विदेशी निवेशकहरूमा पश्चिम बङ्गाललाई लिएर उत्साह बढेको छ।

राज्यको भौगोलिक स्थिति निकै अनुकूल रहेको बाताउँदै उनले भने, यहाँ समुद्र, नदी, अन्तर्राष्ट्रिय सीमा, उर्वर भूमि, पूँजी एवं प्रतिभा छन्। यस्तो अवस्थामा पश्चिम बङ्गालमा औद्योगिक विकासको लागि अपार सम्भावना छ। राज्यमा उद्योगहरू निश्चित रूपमा स्थापित हुनेछन्।

यता ममता ब्यानर्जी दिल्लीमा गएर वामपन्थी दलहरूलाई आफ्नो पक्षमा लिएकोमा कटाक्ष गर्दै उनले भने, विपक्षी दलहरूले कोलकाताका सड़कमा उत्रेर आफ्नो शक्ति देखाउनु पर्छ। मोहम्मद सलिम, अधीर चौधरी र ममता ब्यानर्जीले दिल्ली जानुको सट्टा कोलकातामा आन्दोलन गर्नुपर्छ। विरोध प्रदर्शनको लागि दिल्ली जान किन आवश्यक भयो भनेर उनले प्रश्न समेत गरे।

कारखाना बाहिर अशान्ति र गुण्डागिरीलाई लिएर मुख्यमन्त्रीको निर्देशनमाथि प्रतिक्रिया व्यक्त गर्दै भाजपा प्रदेश अध्यक्षले भने, यस विषयमा शून्य सहिष्णुता नीति पहिला नै जीरो टलरेन्स नीति स्पष्ट पारिसकिएको छ। कुनै पनि प्रकारको अवैध असुलीलाई सहन गरिने छैन। उनले दाबी गरे, राज्यमा सिण्डिकेट राज समाप्त भइसकेको छ।

अर्कोतर्फ टाटा समूहको फिर्तीबारे तृणमूल विधायक मदन मित्रको बयानमाथि पनि उनले कटाक्ष गरे। मदन मित्रलाई ओह लभली भनेर सम्बोधन गर्दै उनले प्रश्न उठाए, यतिका दिनपछि उनलाई किन अफसोस भइरहेको छ?

हिन्दुस्थान समाचार / उष्णता छेत्री शर्मा