नयाँ दिल्ली, ०६ नोभेम्बर (हि.स.)। भारतीय युवा कांग्रेसले अग्निपथ योजनामा हालै गरिएको परिवर्तनलाई लिएर अग्निवीरहरूको सेवा अवधि चार वर्षबाट बढ़ाएर छह वर्ष पुर्याउने तथा नियमित भर्तीको बाटो खोल्ने घोषणाले मूल योजनाका कमजोरीहरू उजागर गरेको बताएको छ। युवा कांग्रेसले आंशिक संशोधन गर्नुको सट्टा सरकारले योजना पूर्ण रूपमा फिर्ता लिएर सेनामा स्थायी भर्ती व्यवस्था पुनः बहाल गर्नुपर्ने माग गरेको छ।

भारतीय युवा कांग्रेसका राष्ट्रिय अध्यक्ष उदय भानु चिबले शुक्रवार एक बयान जारी गर्दै देशका युवाहरूलाई स्थायी रोजगारी, सम्मान र सुरक्षा आवश्यक रहेको, उनीहरूको भविष्यसँग प्रयोग गर्न नहुने बताए। उनले सैन्य भर्तीको तयारी गरिरहेका युवाहरूले वर्षौँसम्म सङ्घर्ष गर्दै न्यायको माग उठाए पनि सरकारले आफ्नो हठ नछ़ाडेको बताए। अब अग्निवीरहरूको पहिलो ब्याचको कार्यकाल समाप्त हुन लागेको अवस्थामा घोषित परिवर्तनले उनीहरूको भविष्यलाई लिएर नयाँ प्रश्नहरू खड़ा गरेको उनले बताए।

चिबले देशको सेवाका लागि आफ्नो जीवनका महत्त्वपूर्ण वर्षहरू समर्पण गर्ने युवाहरूलाई भविष्यको सुनिश्चितता, सम्मान तथा नियमित सैनिक सरह सेवासुविधा उपलब्ध गराउनुपर्ने बताए। युवा कांग्रेसले उनीहरूको आवाजलाई बेवास्ता हुन नदिने पनि उनले बताए।

सङ्गठनले राष्ट्रिय सुरक्षा र सशस्त्र बलको सुदृढ़ीकरणका लागि स्थायी, पारदर्शी तथा मजबुत भर्ती व्यवस्था आवश्यक रहेको बताएको छ। यस्तो व्यवस्था हुनुपर्ने, जसले सैनिकहरूको गरिमा र सम्मानका साथै युवाहरूको करियरको सुरक्षा पनि सुनिश्चित गरोस् र सेनाको संस्थागत अनुभव तथा परिचालन क्षमता कायम राखोस्।

हिन्दुस्थान समाचार / भवानी थामी