गुवाहाटी, 10 मार्च (हि.स.)। असम सरकारले चियान बगानहरूमा काम गर्ने श्रमिकहरूको दैनिक पारिश्रमिक 30 रुपियाँ बढ़ाउने घोषणा गरेको छ। मुख्यमन्त्री डा. हिमन्त बिस्व सरमाले सोमवार यस फसेलाको पुष्टि गर्दै बताए, बढ़ेको पारिश्रमिक आजदेखि नै लागू भएको छ।
मुख्यमन्त्रीले सोशल मीडियाको माध्यमबाट भने, चिया बगानहरूमा कार्यरत श्रमिकहरूको परिश्रममा असमको माटोको सुगन्ध छ। उनीहरूको सम्मान र विकासलाई ध्यानमा राखेर सरकारले उनीहरूको दैनिक मजदुरी बढ़ाउने महत्वपूर्ण कदम उठाएको हो।
उनले बताए, वर्ष 2021-देखि चिया श्रमिकहरूको रोज लगातार बढ़्दै आइरहेको छ र उनीहरूको अधिकार तथा सम्मनलाई सुनिश्चित गर्ने दिशामा सरकारको पहल जारी छ। उनले भने, चिया श्रमिकहरूको कल्याण एवं विकासको लागि सरकारले भविष्यमा पनि यस्ता कदमहरू उठाइरहनेछ।
मुख्यमन्त्रीले वर्ष 2021-देखि अहिलेसम्ममा बढ़ेको श्रमिकहरू रोजको विवरम वर्षगत रूपमा साझा गरेका छन्। यसमा ब्रह्मपुत्र उपत्याका र बराक उपत्याकाको लागि बढ़ाइएको ज्यालालाई भिन्न-भिन्न रूपमा दर्शााइएको छ।
नयाँ दर अनुसार अब ब्रह्मपुत्र उपत्याकाका चिया श्रमिकहरूले प्रतिदिन 280 रुपियाँ बराक उपत्याकाका श्रमिकहरूले 258 रुपियाँ पाउनेछन्। सरकारको भनाइ छ, यस फसेलाबाट राज्यका हजारौं चिया श्रमिक परिवारहरूलाई सोझै लाभ प्राप्त हुनेछ।
हिन्दुस्थान समाचार / उष्णता छेत्री शर्मा
