सिलगढ़ी, 11 मार्च (हि. स.)। विधानसभा चुनाउ घोषणा हुनअघि तृणमूल कंग्रेसले चुनावी तयारीलाई तीव्रता दिएको छ। सोही क्रममा माटीगाड़ा-नक्सलबाड़ी विधानसभा क्षेत्रलाई लिएर बागडोगरामा पार्टीका निर्वाचित जनप्रतिनिधि तथा नेताहरूको बुधवार एक महत्वपूर्ण बैठक सम्पन्न भयो।
यद्यपि पार्टीको तर्फबाट अहिलेसम्म आधिकारिक रूपमा उम्मेद्वारको नाम घोषणा नगरिए पनि बैठकमा यो संकल्प लिइयो कि माटीगाड़ा-नक्सलबाड़ी विधानसभाबाट जसलाई टिकट दिए पनि पार्टीका सबै नेता तथा कार्यकर्ताहरू एकजुट भए उसको समर्थनमा चुनाउ लड़्नेछन्।
बैठकमा दार्जीलिङ जिल्ला तृणमूल कंग्रेसका जिल्ला चेयरम्यान, कोर कमिटीका सदस्य तथा विभिन्न स्तरका निर्वाचित प्रतिनिधिगण उपस्थित थिए। बैठकमा नेताहरूले बताए, वर्ष 2021- को विधानसभा चुनाउमा यस सीटमा तृणमूल कंग्रेसको उम्मेद्वार लगभग 70 हजार भोटले पछाड़िएका थिए।
जिल्ला चेयरम्यानले दाबी गरे, यसपालि परिस्थिति पहिलाको भन्दा भिन्नै छ। महकुमा परिषद एकजुट भेर काम गरिरहेको छ। पछिल्लो नौ महिनादेखिको बूथ स्तरमा संगठनलाई मजबुत बनाइएको छ।
हिन्दुस्थान समाचार / उष्णता छेत्री शर्मा
