मेदिनीपुर, 12 मार्च (हि. स.)। अन्तरराष्ट्रिय स्तरमा गहिरिँदै गइरहेको ऊर्जा संकट तथा आपूर्ति श्रृङ्खलामा आएको व्यवधानको प्रभाव अब बंगालका प्रसिद्ध धार्मिक स्थलहरूमा पनि देखिन थालेको छ। पूर्व मेदिनीपुर जिल्लाको ऐतिहासिक औं पौराणिक शक्तिपीठ वर्गभीमा मन्दिरमा भान्सा ग्यासको ठूलो अभावले गर्दा आगामी 21 मार्चदेखि श्रद्धलुहरूको लागि 'भोग सेवा' औं प्रसाद वितरणलाई अनिश्चितकालको लागि स्थगित राख्ने निर्णय लिइएको छ।
गए बुधवार अबेर साँझ मन्दिर प्रबन्धन समितिको एक महत्वपूर्ण बैठक आयोजना गरियो जसमा वर्तमन परिस्थितिको समीक्षा गरेपछि अन्ततः यो कड़ा फसेला लिइयो।
मन्दिर प्रशासन अनुसार पछिल्लो केही समयदेखिको व्यावसायिक ग्यास (कमर्शियल गैस)- को आपूर्ति अत्यन्त सीमित भएको छ। बजारमा सिलेण्डरहरूको अनुपलब्धता तथा अन्तरराष्ट्रिय कारणले बढ़्दो मूल्यको कारण प्रतिदिन सैकड़ौं भक्तहरूको लागि भोग तयार गर्नु अब असम्भव भएको छ।
प्रबन्धनले स्पष्ट पाऱ्यो, जुन श्रद्धालुहरूले आगामी तिथिको लागि भोग वा विशेष प्रसादको अग्रिम बुकिंग गराएका थिए, उनीहरूलाई फोनको माध्यमबाट सूचित गरिँदैछ। उनीहरूको बुकिंग रद्द गरिएको छ साथै जमा गरिएको धनराशिलाई फर्काउने प्रक्रिया शुरू गरिएको छ। मन्दिर प्रशासनले भक्तहरूसित यस विषम परिस्थितिमा सहयोग गर्ने अपील गरेको छ। बिहिवारदेखि नै भोग वितरणमा केही कड़ाई लागू गरिएको छ।
उल्लेखनीय छ, तमलुक स्थित वर्गभीमा मन्दिरलाई देशका 51 शक्तिपीठहरूमध्ये एक मानिन्छ। यहाँ स्थानीय मात्र नभएर टाड़ा-टाड़ाका राज्यहरूबट पनि ठूलो संख्यामा श्रद्धालुहरू दर्शन तथा माताको प्रसाद ग्रहण गर्न आउने गर्दछन्। अचानक भोग सेवा बन्द गर्ने घोषणाले श्रद्धालुहरूमा व्यापक निराशा छाएको छ।
मन्दिर प्रबन्धनले आश्वासन दिएको छ, ग्यास आपूर्ति सामान्य हुनसाथ तथा बजामा स्थिरता आउनसाथ भोग सेवालाई पुनः पूर्ण भव्यताको साथमा आरम्भ गरिनेछ।
हिन्दुस्थान समाचार / उष्णता छेत्री शर्मा
