तुरा (मेघालय), 15 मार्च (हि.स.)। जिल्ला प्रशासनले मेघालयको पश्चिम गारो हिल्स जिल्लामा वर्तमान कानून-व्यवस्थाको स्थितिलाई मध्यनजर गर्दै कर्फ्यूलाई अवधिलाई थप एक दिन बढ़ाएको छ।
जिल्ला मेजिस्ट्रेट विभोर अग्रवालद्वारा जारी एक आदेश अनुसार भारतीय नागरिक सुरक्षा संहिताको धारा 163 अन्तर्गत जारी गरिएको कर्फ्यू 15 मार्चको बिहान 6 बजीदेखि 16 मार्चको बिहान 6 बजीसम्म यथावत रहनेछ जबसम्म यसलाई फिर्ता लिँदैन। प्रशासनले भन्यो, जिल्लाका भिन्न-भिन्न भागहरूबाट हिंसा तथा सार्वजनिक शान्ति भंग भएका घटनाहरू प्रकाशमा आइरहेका छन् जसबाट मानिसहरूको ज्यान, सार्वजनिक सुरक्षा तथा सम्पत्तिलाई गम्भीर खतरा उत्पन्न भएको छ।
तथापि अधिकारीहरूले स्थानीयहरूलाई आवश्यक काम गर्न अनि बाहिर आउने-जाने सुविधा दिनको लागि 15 मार्चमा जिल्लाभरि नै बिहान 6 बजीदेखि साँझ 6 बजीसम्म कर्फ्यूमा छुट दिने घोषणा गरेका छन्। आदेशमा भनिएको छ, कर्फ्यू अवधि मानिसहरूलाई जिल्लाको सीमाभित्र आफ्नो घरदेखि बाहिर निक्लिने अनुमति दिइनेछैन।
सबै कानून-प्रवर्तन एजेन्सी, कार्यकारी मेजिस्ट्रेट औ पुलिस अधिकारीहरूलाई यो आदेशलाई कड़ाई पूर्वक पालन गर्ने अनि प्रतिबन्धहरूको उल्लंघन गरेको पाइएमा सम्बन्धित व्यक्तिविरूद्ध आवश्यक कारबाही गर्ने निर्देश दिइएको छ।
प्रशासनले चेताउनी दिएको छ, उल्लंघन गर्नेहरू विरूद्ध भारतीय न्याय संहिताको धारा 223 सहित क़ानूनका अन्य सम्बन्धित प्रावधानहरू अन्तर्गत दण्डात्मक कारबाही गरिनेछ। अधिकारीहरूले भने, यो आदेश आपतकालीन परिस्थितिमा तथा जिल्लामा हिंसालाई अझ बढ़्नदेखि रोक्ने आवश्यकतालाई ध्यानमा राखेर जारी गरिएको हो।
हिन्दुस्थान समाचार / उष्णता छेत्री शर्मा
