लखनउ, १६ मार्च (हि.स.)। राष्ट्रिय स्वयंसेवक संघ (आरएसएस) का सरकार्यवाह दत्तात्रेय होसबाले चैत नवरात्रि शुरु हुनुअघि १८ मार्चमा लखनाउ पुग्ने भएका छन्। उनी १९ मार्चमा राम मन्दिर अयोध्यामा आयोजना हुने वर्ष प्रतिपदा महोत्सव कार्यक्रममा सहभागी हुनेछन्।
यस कार्यक्रममा राष्ट्रपति द्रौपदी मुर्मु मुख्य अतिथिका रूपमा उपस्थित हुने बताइएको छ। संघको अखिल भारतीय प्रतिनिधि सभा २०२६ सम्पन्न भएपछि सरकार्यवाह होसबालेको यो पहिलो उत्तर प्रदेश भ्रमण हुनेछ। प्रतिनिधि सभाअघि संघका सरसंघचालक मोहन भागवत पनि उत्तर प्रदेश भ्रमणमा आएका थिए।
श्री राम जन्मभूमि तीर्थ क्षेत्र ट्रस्टका व्यवस्थापक गोपालले दिएको जानकारीअनुसार, यस महोत्सवका क्रममा राष्ट्रपति मुर्मूले राम मन्दिरको दोस्रो तलाको गर्भगृहमा श्रीराम यन्त्र स्थापना गर्नेछिन्। उनका अनुसार, वर्ष प्रतिपदा महोत्सवका लागि ट्रस्टले करिब ७ हजार जनालाई निमन्त्रणा दिएको छ। निमन्त्रितहरूलाई १८ मार्चमै अयोध्या पुग्न आग्रह गरिएको छ। सबै अतिथिहरूको बसोबास र भोजनको व्यवस्था ट्रस्टले गर्नेछ।
१९ मार्चदेखि नै नवरात्रि शुरु हुने भएकाले कार्यक्रममा उपवास बस्नेहरूका लागि फलाहार र पेयजलको व्यवस्था गरिनेछ। कार्यक्रमपछि अतिथिहरूलाई राम ललाको दर्शन गराइनेछ।
---------------
हिन्दुस्थान समाचार / भवानी थामी
17 Mar 2026
