- स्थानीयहरुद्वारा अग्निशमन केन्द्रको माग तीव्र

मङ्पू, 23 मार्च (हि.स.)। मङ्पूको चौरास्तामा भीषण आगलागीमा चारवटा घर र एउटा दोकान जलेर नष्ट भएको छ। यस घटनामा एक महिला पनि घाइते भएकी छन्। उक्त आगलागीपछि स्थानीय बासिन्दाहरूले क्षेत्रमै अग्निशमन केन्द्र स्थापना गर्नुपर्ने माग तीव्र रूपमा उठाएका छन्।

स्थानीय व्यक्तिहरूका अनुसार, सोमबार बिहान मङ्पूको चौरास्तामा आगलागी हुँदा स्थानीय चारवटा घर र एउटा दोकानमा आगो लाग्यो। आगोको चपेटामा परेर घर र दोकान पूर्ण रूपमा नष्ट भएको छ। आगोले पीडित परिवारलाई ठूलो क्षति भएको छ।

आगलागीमा घाइते हुने महिलाको रिना राई बताइएको छ। उनलाई सामान्य चोट लागेको छ भने उनको रम्बी अस्पतालमा उपचार चलिरहेको मङपू पुलिसले जानकारी दिएको छ।अर्कोतिर, आगलागीपछि अग्निशमन केन्द्रको माग तीव्र बनेको छ। मङ्पूमै अग्निशमन केन्द्र भएको भए आगलागीबाट केही घरहरू जोगाउन सकिन्थ्यो भन्ने उनीहरूको भनाई छ। स्थानीयहरूले सम्बन्धित निकायसँग यथाशीघ्र मङ्पूमा अग्निशमन केन्द्र स्थापना गर्न माग गरेका छन्।आगलागीको कारण स्पष्ट हुन सकेको छैन।

---------------

हिन्दुस्थान समाचार / हनोक