हुगली, 09 मार्च (हि.स.)। भान्सा ग्यासको भर्खरै ब ढ़ेको मूल्यको विरोध गर्दै तृणमूल कग्रेसका नेता तथा कार्यकर्ताहरू आइतवार हुगली जिल्लाको रिषड़ामा सड़कमा उत्रिए।
मुख्यमन्त्री तथा तृणमूल कंग्रेस प्रमुख ममता ब्यनर्जीको आह्वानमा आयोजित यस विरोध कार्यक्रमको नेतृत्व रिषड़ा नगरपालिकाका चेयरम्यान विजय सागर मिश्राले गरेका थिए।
यसावधि तृणमूल कंग्रेसका विभिन्न सहयोगी संगठनहरूका नेता तथा कार्यकर्ताहरूले रिषड़ाको बाखखालदेखि वेलिंगटन जुट मिलसम्म एक ऱ्याली निकाले जसमा ठूलो संख्यामा मानिसहरूले भाग लिए। ऱ्यालीमा केन्द्र सरकारका नीतिहरूको विरोधमा व्यापक नाराबाजी गरियो।
प्रदर्शनमा रिषड़ा नगरपालिकाका भाइस चेयरम्यान जाहिद हसन खान, सीआईसी तापस सर्केल, सीआईसी सुमन देवी, पार्षद उषा देवी साह, पार्षद सुख सागर मिश्रा उपनाम टिकु, पार्षद कौशिक मुखर्जी समेत तृणमूल कंग्रेसका केही स्थानीय नेता औ कार्यकर्ताहरू उपस्थित थिए।
ऱ्याली अवधि विजय सागर मिश्राले आरोप लगाए, विशेष गहन पुनरीक्षण (एसआईआर) प्रक्रियाको माध्यमबाट रिषड़ा सहित पश्चिम बंगालका कतिपय क्षेत्रहरूमा ठूलो संख्यामा वैध मतदाताहरूको नाम मतदाता सूचीबाट काटिएको छ। उनले यसलाई निन्दनीय बताउँदै भने, बढ़्दो महँगीबीच भान्सा ग्यासको मूल्यवृद्धिले मानिसहरूमाथि अतिरिक्त आर्थिक बोझ परेको छ।
हिन्दुस्थान समाचार / उष्णता छेत्री शर्मा
