सिलगढ़ी, 09 मार्च (हि.स.)। न्यू जलपाइगढी क्षेत्रमा सोमवार अल बंगाल हकर यूनियनको ब्यानरमा सयकड़ौं रेल हकरहरूले एडीआरएम कार्यालय अगाड़ि व्यापक प्रदर्शन गरे।

हकरहरूको आरोप छ, रेलवे प्रशासनले पछिल्लो लामो समयदेखिकै उनीहरूलाई सताइरहेको छ। उनीहरूको भनाइ छ, ट्रेन वा स्टेशनमा काम गर्ने क्रममा उनीहरूलाई रोकिन्छ भने कैयौं पटक उनीहरूलाई हिरासतमा लिएर जेल चलान समेत गरिसकिएको छ।

प्रदर्शनकारीहरूको भनाइ छ, उनीहरूले पहिला पनि धेरै पटक शान्तिपूर्ण ढंगमा आन्दोलन गरिसकेका छन् साथै रेलवे अधिकारीहरूलाई ज्ञापन पनि सुम्पिसकेका छन्, तर अहिलेसम्म उनीहरूको समस्याको समाधान हुन सकेको छैन। यस आन्दोलनको नेतृत्व सिलगढ़ी टाउन ब्लक तीनको श्रमिक संगठनका अध्यक्ष सुजय सरकारले गरेका थिए।

यस अवधि सुजय सरकारले चेताउनी दिँदै भने, यदि यथाशीघ्र हकरहरूको समस्या समाधान नगरिए आगामी दिनमा आन्दोलन अझ तीव्र हुनेछ। उनले भने, आवश्यकता परे हकरहरूका परिवारहरूसितै रेलवे कर्मचारीहरूको क्वार्टर तथा रेलवे कार्यालय सामु व्यापक रूपमा धरना प्रदर्शन गरिनेछ।

हिन्दुस्थान समाचार / उष्णता छेत्री शर्मा