रायपुर, 19 अप्रेल (हि.स.)। राजधानी रायपुरको खम्हारडीह थानामा गए अबेर राति क्याटरिङको काम गरी फर्किरहेको युवकलाई छुरा प्रहार गरी लुटपाट गरियो। मामिलामा पुलिसले अपराध दर्ता गरी जाँच शुरू गरेको छ।

पुलिसबाट प्राप्त जानकारी अनुसार, शनिवार राति शंकर नगर-कचना-मन्दिर हसौद पहुँच सड़कमा क्याटरिङको कामबाट फर्किरहेका बाल करण वर्मालाई अज्ञात आक्रमणकारीहरूले छुरा प्रहार गरी लुटे। पीड़ितलाई ठेगाना सोध्ने बहानामा डाँकाहरूले रोकेका थिए। उनले आफ्नो मोटरसाइकल रोकेपछि, अज्ञात डाँकाहरूले गाड़ीको चाबी निकालेर लुटपाट गर्नथाले।

उनले प्रतिरोध गर्दा, उनीहरूले उनको तिघ्रा, घुँड़ा, हात र खुट्टामा छुरा प्रहार गरे। त्यसपछि उनीहरू पर्स र मोटरसाइकलको चाबी लिएर तीन वटा मोटरसाइकलमा भागे। स्थानीय बासिन्दाले उनलाई बाटोमा घाइते अवस्थामा फेला पारेर मेकाहारा अस्पतालमा भर्ती गराए। हाल, पुलिसले अपराध दर्ता गरी थप कारबाही गरिरहेको छ।

हिन्दुस्थान समाचार / भवानी थामी