गुवाहाटी, 02 अप्रेल (हि.स.)। असमको राजधानी दिसपुरमा पुलिसले मोबाइल चोरी विरुद्ध ठूलो कारबाही शुरु गरेको छ। दिसपुर थाना सीमा अन्तर्गत खानापारा क्षेत्रमा गरिएको द्रुत कारबाहीले मोबाइल चोरी गर्ने र्या केटको पर्दाफास गर्दै एक चोरलाई पक्राउ गरेको छ।

दिसपुर पुलिसले बिहिवार बतायो, पक्रा परेको संदिग्धको पहिचान संजीव सिंहको रूपमा गरिएको छ। सूचनाको आधारमा कारबाही गर्दै पुलिसले एउटा गाड़ी (एएस-01 एचसी-3288) रोकेर उदेखि 18 वटा चोरीका मोबाइल फोनहरू जफत गरेको छ।

पुलिस सूत्रहरूले आरोपी व्यक्ति उक्त क्षेत्रमा मोबाइल उपकरणहरूको चोरी र अवैध व्यापारमा संलग्न एक ठूलो नेटवर्कको हिस्सा भएको आशंका गरेका छन्। जफत गरिएका फोनहरू विभिन्न स्थानबाट चोरी भएको हुनसक्ने विश्वास गरिएको छ।

पुलिसले ऱ्याकेटका अन्य सदस्यहरूको पहिचान गर्न र सम्पूर्ण अपरेशनको पूर्ण विवरण सङ्कलन गर्न थप अनुसन्धान शुरु गरेको छ। यो कारबाही मोबाइल चोरीको बढ्दो संख्यालाई रोक्न र सार्वजनिक सुरक्षा सुनिश्चित गर्न दिसपुर पुलिसले शुरू गरेको तीव्र अभियानको अंश हो।

हिन्दुस्थान समाचार / भवानी थामी