कोलकाता, 02 अप्रेल (हि. स.)। सामाजिक समावेश औ सशक्तिकरणको दिशामा एक महत्वपूर्ण कदम उठाउँदै सियालदह डिभीजनले छांव फाउण्डेशनका एसिड अट्याक सर्भाइभर्सलाई 'वान स्टेशन वान प्रोडक्ट' (ओएसओपी) स्टल प्रदान गरेको छ। पूर्व रेलवेद्वारा बिहिवार जारी एक प्रेस विज्ञप्तिमा बताइएको छ, यो पहलले यी साहसी व्यक्तिहरूलाई सम्मान तथा आर्थिक स्वतन्त्रताको यात्रामा एक शक्तिशाली माध्यमको रूपमा गर्नेछ।

उल्लेखनीय छ, छांव फाउण्डेशनले शीरोज़ अनलाइन स्टोर पनि संचालन गर्दै आएको छ जुन एउटा सशक्त मञ्च हो जहाँ हरेक उत्पाद 'साहसले तयार औ बदलाउको लागि क्यूरेट' गरिएको छ। वर्ष 2013- देखि नै यो संस्थाले एसिड अट्याक सर्भाइभर्सको समग्र पनर्वासको लागि काम गर्दै आइरहेको छ जसको कारीगरको रूपमा अविश्वसनीय कौशलले हरेक हस्तनिर्मित उत्पादलाई लचिलोपनको प्रतीक बनाउँछ। यो स्टल प्रदान गरेर सियालदह डिभीजनले उनीहरूको प्रतिभालाई प्रदर्शित गर्ने अनि उनीहरूको हस्तशिल्प व्यवसायलाई बढ़ाउनमा मद्दत गर्नको लागि एक ठोस मञ्च प्रदान गरेको छ।

ओएसओपी योजना भारतीय रेलवेको एउटा पहल हो जसलाई स्थानीय आपूर्ति श्रृङ्खलाहरूलाई प्रोत्साहित गर्नको लागि डिजाइन गरिएको हो। यसले रेलवे स्टेशनहरूमा विशेष स्टल प्रदान गर्छ जसबाट स्वयं सहायता समूह अनि आवश्यकतामा रहेका कारीगरहरूले यात्रीहरूको विशाल संख्यालाई स्वदेशी उत्पाद बेच्नसक्छन्।

यो पहल हालैमा अन्तरराष्ट्रिय महिला दिवस समारोह अवधि पूर्व रेलवेका महाप्रबन्धक श्री मिलिन्द देउस्करद्वारा महिलाहरूको भावनालाई सशक्त र सम्मानित गर्नको लागि परिकल्पित गरिएको थियो।

हिन्दुस्थान समाचार / उष्णता छेत्री शर्मा