नाम्ची, 23 अप्रेल (हि.स.)। कृषि विभाग, नाम्ची जिल्लाले आज आर्थिक वर्ष २०२५-२६ अन्तर्गत वर्षा आधारित क्षेत्र विकास कार्यक्रम (आरएडी) अन्तर्गत अप्पर दोङ आरएडी क्लस्टरमा मौरीपालन सम्बन्धी सचेतना तथा वितरण कार्यक्रम आयोजना गर्यो।कार्यक्रममा ४० देन्चुङ जीपीयूकी पञ्चायत सभापति निम्कित लेप्चा प्रमुख अतिथिको रूपमा उपस्थित थिइन्।
कार्यक्रममा कृषि विकास अधिकृत अर्बिन माझीले आरएडी कार्यक्रमको महत्वबारे प्रकाश पार्दै विभागका विभिन्न योजनाहरूबारे जानकारी दिए। यस अवसरमा ८० जना लाभार्थीहरूलाई वैज्ञानिक मौरीको डुंढ़ वितरण गरियो, जसको उद्देश्य मौरीपालन प्रवर्द्धन गरी किसानहरूको आम्दानी वृद्धि गर्नु रहेको बताइएको छ।
स्रोत व्यक्तिका रूपमा उपस्थित ओएसडी फुर्देन लेप्चाले मौरीपालनको महत्व तथा आधुनिक प्रविधि अपनाएर दिगो कृषि विकास हासिल गर्न सकिने विषयमा जोड दिए।
---------------
हिन्दुस्थान समाचार / बिशाल
