गान्तोक, 23 अप्रेल (हि.स.)। मुख्यमन्त्री प्रेमसिंह तामाङले प्रधानमन्त्री नरेन्द्र मोदीको आगामी सिक्किम भ्रमणलाई लिएर तयारीको समीक्षा गरे। यस क्रममा मुख्यमन्त्रीले मन्त्रीहरू, विधायकहरू, राजनीतिक सचिवहरू, मुख्य सचिव, पुलिस महानिर्देशक, विभिन्न विभागका सचिवहरू तथा अन्य सम्बन्धित अधिकारीहरूसँग निर्धारित स्थलहरूको व्यापक निरीक्षण गर्दै समग्र तयारीको समीक्षा गरे।
मुख्यमन्त्रीले विशेष रूपमा पाल्जोर स्टेडियम, लोकभवन, रिज पार्क आदि ठाउँहरूको भ्रमण गरे। उनले निरीक्षणका क्रममा सम्बन्धित विभाग तथा अधिकारीहरूलाई सबै आवश्यक व्यवस्थाहरू समयमै र प्रभावकारी रूपमा सम्पन्न गर्न विस्तृत निर्देशन दिए। साथै उच्चस्तरीय सुरक्षा, समन्वय तथा लजिस्टिक तयारी सुनिश्चित गर्दै सबै निर्धारित कार्यक्रमहरू सुचारु रूपमा सम्पन्न गराउन विशेष जोड दिए।
---------------
हिन्दुस्थान समाचार / बिशाल
