धमतरी, 24 अप्रेल (हि.स.)। नगरनिगम धमतरीमा महिला आरक्षण अधिनियम 2023-लाई लिेर आयोजित विशेष बैठकमा शुक्रवार विपक्षी पार्षदहरूले केन्द्र सरकारमाथि गम्भीर आरोप लगाए। नेता प्रतिपक्ष दीपक सोनकरले भने, महिला आरक्षण बिललाई परिसीमनसित जोड़ेर पारित गर्ने प्रयास “कुत्सित उद्देश्य”-ले गरियो जसलाई विपक्षले विफल बनाइदियो।
उनीहरूले भने, कङ्ग्रेसले सेप्टेम्बर, 2023- मा पारित महिला आरक्षण विधेयकलाई समर्थन गरेको थियो, तर वर्तमान सरकारले यसको नाममा संविधान परिवर्तन गर्ने प्रयास गरिरहेको छ। उपनेता प्रतिपक्ष विशु देवाङ्गनले भने, यो महिला आरक्षणको मुद्दा मात्र होइन जबकि देशको राजनीतिक तथा चुनावी ढाँचालाई प्रभावित पार्ने प्रयास हो जसलाई विपक्षले रोक्ने काम गऱ्यो। उनले आरोप लगाए, भारतीय जनता पार्टी (भाजपा)-ले चुनावी लाभको लागि यस किसिमको रणनीति अप्नाइरहेको छ।
महिला पार्षद सुमन मेश्रामले भनिन्, यदि सरकार वास्तवमै महिलाहरूलाई आरक्षण दिन चाहन्छ भने 543 लोकसभा सीटमा 33 प्रतिशत आरक्षण लागू गरेर ततकालै 179 जना महिला सांसदहरू बनाओस्। यसो नगर्नुले सरकारको उद्देश्यमाथि प्रश्न उत्पन्न गर्छ।
पार्षद योगेश लालले नगरनिगममा महिला जनप्रतिनिधिहरूको सम्मानको मुद्दालाई उठाउँदै भने, एक वर्षभन्दा अधिक समयमा महिलाहरूसित कस्तो व्यवहार भइरहेको छ भन्ने कुरा सबैले देखिरहेका छन्। उनले आरोप लगाए, सभापतिका अधिकारहरू तथा प्रोटोकलको हनन गरिँदैछ।
हिन्दुस्थान समाचार / उष्णता छेत्री शर्मा
