कोलकाता, 24 अप्रेल (हि.स.)। शुक्रवार बिहान हुगली नदीमा प्रधानमन्त्री नरेन्द्र मोदीलाई डुंगा सवारीमा लैजाने डुंगा चालक (नाविक) र डुंगा मालिकले यो अनुभवलाई अविस्मरणीय र भावनात्मक बताए। उनीहरूले भने, उनीहरूलाई अन्तिम क्षणसम्म थाहा थिएन कि प्रधानमन्त्री उनको डुंगामा चढ्नेछन्।

प्रधानमन्त्री मोदीलाई गंगा नदीमा डुंगामा सवारीमा लैजाने नाविक गौरांग बिश्वासले भने, उनले विश्वास नै गर्न सकिरहेका थिएनन् कि देशका प्रधानमन्त्री उनको डुंगामा बस्नेछऩ्। प्रधानमन्त्रीले सवारीको क्रममा आफ्नो क्यामेराले तस्बिर खिचे र उनको निर्देशमा डुंगालाई गंगाको बीचमा लगियो।

गौरांग विश्वासले भने कि प्रधानमन्त्रीले एक पटक मात्र उनको नाम सोधे र शान्तपूर्वक वरपरको दृश्यको आनन्द लिए। उनी अत्यन्तै खुशी छन् र यो अनुभव उनका लागि सपनाभन्दा कम छैन।

यसैबीच प्रधानमन्त्रीको भ्रमणको लागि डुंगा उपलब्ध गराउने डुंगा मालिक मोहम्मद इफ्तिखार अहमदले पनि सम्पूर्ण घटनाको विवरण सुनाए। उनले भने, बिहान त्यहाँ काम गर्ने एक व्यक्तिले सात वटा डुंगाहरू अनुरोध गऱ्यो। जब उनले सोधे कि कुनै विशेष व्यक्तिको लागि डुंगा चाँहियो, उनलाई भनियो कि यो कुनै ठूलो कुरा होइन।

उनले भने, सबै डुंगाहरू त्यसपछि घाटमा तयार पारियो। प्रधानमन्त्री मोदीको आगमन हुनुभन्दा लगभग पाँच मिनेटअघि उनलाई देशका प्रधानमन्त्रीको आगमनको बारेमा जानकारी दिइयो। बिहानको भ्रमणपछि प्रधानमन्त्री घाटमा आइपुगे र उनको डुंगामा च़ढ़े। मोहम्मद इफ्तिखार अहमदले भने, नाविकहरूसंगको कुराकानीको क्रममा उनले आपसी सद्भाव र भ्रातृत्वको आवश्यकतामा जोड दिए।

उल्लेखनीय छ कि पश्चिम बंगालमा चुनावी माहोलबीच प्रधानमन्त्री मोदी शुक्रवार बिहान कोलकाताको गंगा नदीको किनारमा आइपुगे, जहाँ उनले डुंगाको सवारी गरे, मानिसहरूलाई भेटे र माँ गंगालाई श्रद्धा व्यक्त गरे। प्रधानमन्त्रीको भ्रमणका तस्बिर र भीडियोहरू सामाजिक सञ्जालमा द्रुत गतिमा भाइरल भइरहेका छन्।

हिन्दुस्थान समाचार / भवानी थामी