गान्तोक, 5 अप्रेल (हि.स.)। सिक्किम सरकारले केन्द्र सरकारको समन्वयमा राज्यमा एलपीजीको निर्बाध तथा समान आपूर्ति सुनिश्चित गर्नका लागि सक्रिय कदम चालेको छ।
उपभोक्ताहरूको शिकायतलाई सम्बोधन गर्न र एलपीजी वितरणको अनुगमनका लागि राज्य सरकारले सबै 6 जिल्लाहरूमा ‘जिल्ला नियन्त्रण कक्ष’ स्थापना गरेको छ। खाद्य तथा नागरिक आपूर्ति विभाग र जिल्ला नियन्त्रण कक्षहरूले कालोबजारी र जमाखोरीलाई रोक्नका लागि एलपीजी वितरण केन्द्रहरूको निगरानी गरिरहेका छन्।
खाना पकाउने वैकल्पिक इन्धन स्रोतहरूको विस्तार गर्नका लागि अब 6 जिल्लाहरूमा चिह्नित पेट्रोल पम्पहरूमा पात्र प्रवासी मजदुरहरूका लागि मट्टितेल उपलब्ध गराइएको छ, जहाँ प्रत्येक पात्र प्रवासी मजदुरले सरकारद्वारा निर्धारित दरमा अधिकतम 20 लिटर मट्टितेल प्राप्त गर्न सक्नेछन्।
4 अप्रेलसम्मको स्थिति अनुसार, बाघेखोलामा रहेको आईओसीएल बोटलिङ प्लान्टमा एलपीजी स्टक स्थिति 300 मेट्रिक टन भण्डारण क्षमता रहेको छ तथा 269 मेट्रिक टन शुरुआती स्टक उपलब्ध रहेको छ। राज्यव्यापी एलपीजी सूचीमा 2,555 घरेलु एलपीजी सिलिण्डर (14.2 केजी), 380 वाणिज्यिक एलपीजी सिलिण्डर (19.2 केजी), 236 कम्पोजिट एलपीजी सिलिण्डर (10 केजी), 462 मुक्त व्यापार एलपीजी सिलिण्डर र 16 घरेलु 5 केजी एलपीजी सिलिण्डर सामेल छन्।
हालैमा, सचिव (एमओपीएनजी) ले सबै राज्य र केन्द्र शासित प्रदेशका अतिरिक्त मुख्य सचिव र प्रधान सचिवहरू (खाद्य तथा नागरिक आपूर्ति) सँग एक बैठकको अध्यक्षता गरे। यस बैठकको उद्देश्य इन्धन आपूर्ति स्थितिको समीक्षा गर्न र पर्याप्त उपलब्धता सुनिश्चित गर्नका लागि उठाइएका कदमहरूमाथि प्रकाश पार्नु थियो। राज्यहरूलाई के निर्देश दिइएको छ भने उनीहरूले एलपीजी वितरणलाई प्राथमिकता दिनुपर्छ, विशेष रूपमा घरेलु र आवश्यक जरुरतहरूको लागि तथा साथै जमाखोरी, गलत दिशामा आपूर्ति (डाइभर्जन) र गलत सूचनाहरूको प्रसार विरुद्ध कड़ा निगरानी राख्नुपर्नेछ।
यसका अतिरिक्त, भारत सरकारले 27.03.2026 र 02.04.2026 तारिकका पत्रहरूको माध्यमद्वारा सबै राज्य/केन्द्र शासित प्रदेशका मुख्य सचिवहरूलाई सक्रिय र नियमित रूपमा जनतासित संवाद बढ़ाउने अनुरोध गरिएको छ। यसका साथै उनीहरूका उचित वरिष्ठ स्तरमा दैनिक प्रेस ब्रिफिङ आयोजन गर्न र सामाजिक र इलेक्ट्रोनिक मिडियाको माध्यमद्वारा समयमा सटीक जानकारीको प्रसारण गर्नुपर्छ, ताकि गलत सूचनाहरूको प्रभावकारी रूपमा प्रतिरोध गर्न सकियोस् र नागरिकहरूलाई एलपीजीको पर्याप्त उपलब्धता र सुचारू वितरणको बारेमा आश्वस्त पार्न सकियोस्।
ग्राहकहरूलाई डिजिटल बुकिङको तरिकाका प्रयोग गर्न जारी राख्न, आतङ्कित बनेर बुकिङ वा सामान जमा गर्नबाट बच्न र जानकारीको लागि केवल आधिकारिक स्रोतहरूमा भरोसा गर्नका लागि प्रोत्साहित गरिएको छ।
जनतालाई कालोबजारी, जमाखोरी वा अधिक मूल्य लिने जस्ता कुनै पनि गलत कार्यहरू जिल्ला नियन्त्रण कक्षहरूमा रिपोर्ट गर्न आग्रह गरिएको छ। उनीहरूलाई विद्युतीय इण्डक्सन, विद्युतीय कुकटप जस्ता वैकल्पिक इन्धन र सम्भव भएसम्म अन्य माध्यमहरूको प्रयोग गर्न पनि प्रोत्साहित गरिएको छ।
शिकायत/सुझाउका लागि सम्पर्क गर्नुहोस्:· गान्तोक: 03592-204995, 8768884346, 8001224235, 8145315154, 8327843100, 8145894185· पाकिम: 9800789595, 8509114754· मङ्गन: 8145896216· नाम्ची: 9775945994· गेजिङ: 9832571291, 9733906445· सोरेङ: 7365969373, 7363968503, 03592-291660।
हिन्दुस्थान समाचार / बिशाल
