गान्तोक, 10 जून (हि.स.)। मुख्यमन्त्री प्रेमसिंह तामाङले प्रधानमन्त्री नरेन्द्र मोदीलाई भारतको इतिहासमा सबैभन्दा लामो समयसम्म निर्वाचित प्रधानमन्त्री बनेकोमा हार्दिक बधाई तथा शुभकामना दिएका छन्।

मुख्यमन्त्री तामाङले आज सामाजिक सञ्जाल फेसबुक पोस्टमा भने, 'भारतका प्रथम प्रधानमन्त्री जवाहरलाल नेहरूको कीर्तिमानलाई पार गर्दै ४,३९९ दिनको ऐतिहासिक उपलब्धि हासिल गरेर तपाईले हाम्रो राष्ट्रको लोकतान्त्रिक इतिहासमा नयाँ अध्याय थप्नुभएको छ। यो उल्लेखनीय सफलता भारतीय जनताको तपाईको दूरदर्शी नेतृत्व, अथक समर्पण र राष्ट्र निर्माणप्रतिको अटल प्रतिबद्धतामाथिको गहिरो विश्वासको प्रतीक हो।'

पदभार सम्हालेको १२ वर्ष पूरा गर्दै गर्दा प्रधानमन्त्री मोदीको नेतृत्वले करोडौं नागरिकलाई प्रेरित गरिरहेको र २०४७ सम्म विकसित भारत निर्माण गर्ने भारतको रूपान्तरणकारी यात्रालाई मार्गदर्शन गरिरहेको मुख्यमन्त्रीले बताएका छन्। उनले सिक्किमका जनताको तर्फबाट प्रधानमन्त्रीलाई हार्दिक बधाई तथा शुभकामना व्यक्त गर्दै राष्ट्रसेवामा उनको निरन्तर योगदानको सफलताको कामना गरेका छन्।

---------------

हिन्दुस्थान समाचार / बिशाल