मोरी गाउँ (असम), 10 जून (हि.स.)। देशमा सर्वाधिक समयसम्म प्रधानमन्त्री पदमा आसिन भएर रेकर्ड बनाउने प्रधानमन्त्री नरेन्द्र मोदीको उत्तम स्वास्थ्य एवं दीर्घायुको कामना गर्दै देशभरिकै मठ-मन्दिर सहित असमका विभिन्न स्थानहरूमा पनि विशेष पूजा-अर्चनाको आयोजन गरियो।
यसै क्रममा असम सरकारका मन्त्री पीयूष हजारिकाले मङ्गलवार जागीरोडस्थित ब'हा गणेश मन्दिरमा पुगेर पारम्परिक शराई अर्पित गरे अनि विशेष पूजा-अर्चनामा भाग लिए। उनले प्रधानमन्त्री नरेन्द्र मोदीका उत्तम स्वास्थ्य, दीर्घायु तथा निरन्तर सफल नेतृत्वको कामना गरे।
मन्त्री पीयूष हजारिकाले प्रधानमन्त्री मोदीले देशको नेतृत्व गरेको 12 वर्ष पूर्ण गरेर 13औं वर्षमा प्रवेश गरेकोमा शुभकामना दिए। उनले भने, प्रधानमन्त्री मोदीको नेतृत्वमा भारतले विकास, सुशासन तथा वैश्विक प्रतिष्ठाको क्षेत्रमा उल्लेखनीय उपलब्धि हासिल गरेको छ।
हजारिकाले विश्वास व्यक्त गरे, प्रधानमन्त्री मोदीको मार्गदर्शनमा देशले आगामी दिनमा पनि प्रगति र समृद्धिको नयाँ आयाम स्थापना गरिरहनेछ।
हिन्दुस्थान समाचार / उष्णता छेत्री शर्मा
