गुवाहाटी, 11 जून, (हि.स.)। असम सरकार शिक्षा क्षेत्रलाई सुदृढ़ बनाउनको लागि व्यापक रूपमा शिक्षक नियुक्ति तथा शैक्षिक सुधारहरूको दिशामा अगाड़ि बढ़िरहेको छ। यसै क्रममा शिक्षा मन्त्री डा. रणोज पेगूले बिहीवार आफ्नो कार्यालयको सम्मेलन कक्षमा उच्च शिक्षा एवं स्कूले शिक्षा विभागका बजट प्रस्तावहरूको समीक्षा गरे। बैठकमा विभागका वरिष्ठ अधिकारीहरू अनि निदेशकहरूले भाग लिए।
बैठकमा शिक्षा मन्त्रीले भने, राज्यमा लगभग 80 हजार शिक्षक नियुक्ति गरिनेछ। उनले बताए, नयाँ सरकारले दुई लाख पदहरूमा रोजगार दिने योजना बनाइरहेको छ जसमा लगभग 40 प्रतिशत पद शिक्षकहरूको हुनेछ।
समीक्षा बैठकमा शिक्षा क्षेत्रका प्रमुख प्राथमिकताहरू, चलिरहेका योजनाहरू तथा शिक्षा व्यवस्थालाई अझ सशक्त बनाउने भावी कार्ययोजनामाथि विस्तृत चर्चा गरियो। अधिकारीहरूले बजट प्रावधानहरूलाई प्रभावकारी ढङ्गमा क्रियान्वयन तथा शैक्षिक गुणस्तरमा सुधार ल्याउनको लागि विभिन्न प्रस्तावहरूमाथि विचार-विमर्श गरे।
विद्यार्थीहरूमाथि बढ़्दो शैक्षणिक बोझलाई कम गर्ने उद्देश्यले मन्त्रीले भने, स्कूल जाने विद्यार्थीहरूले अब अतिरिक्त पाठ्यपुस्तक लैजाने आवश्यकता छैन। उनले स्पष्ट पारे, विद्यार्थीहरूले दैनिक पाठ्यक्रममा सामेल आवश्यक पुस्तकहरू तथा अध्ययन सामग्री नै लैजानुपर्नेछ।
हिन्दुस्थान समाचार / उष्णता छेत्री शर्मा
