नयाँ दिल्ली, 11 जून (हि.स.)। भारतीय राष्ट्रिय छात्र सङ्गठन (एनएसयूआई)- का हजारौं कार्यकर्ताहरूले बिहीवार भारत निर्वाचन आयोग (ईसीआई)-को मुख्यालय तर्फ विरोध मार्च निकाले। प्रदर्शन अवधि कार्यकर्ताहरूले प्रतीकात्मक रूपमा कठपुतली लिएर विरोध जनाए साथै आयोगको स्वतन्त्रता र निष्पक्षतामाथि प्रश्न उठाए।

प्रदर्शनकारी कार्यकर्ताहरूको आरोप थियो, हिजोआज भइरहेको निर्वाचन आयोगको कार्यप्रणाली तथा केही निर्णयहरूले उसको निष्पक्षता र लोकतान्त्रिक मूल्यहरूप्रति प्रतिबद्धतालाई लिएर गम्भीर प्रश्न उठाएको छ। एनएसयूआई कार्यकर्ताहरूले पारदर्शिता, जवाफदेही औ संवैधानिक संस्थाहरूको स्वतन्त्रताको माग गर्दै ब्यानर र प्ले कार्डहरू प्रदर्शन गरे।

प्रदर्शनकारीहरू निर्वाचन आयोगको कार्यालय तर्फ अग्रसर भइरहेको समय दिल्ली पुलिसले हस्तक्षेप गर्दै केही नेता अनि कार्यकर्ताहरूलाई हिरासतमा लिएर उनीहरूलाई अगाड़ि बढ़्नदेखि रोक्यो।

यस अवधि एनएसयूआईका राष्ट्रिय अध्यक्ष विनोद जाखड़ले भने, निर्वाचन आयोग एउटा संवैधानिक संस्था हो जसको दायित्व नागरिकहरूको लोकतान्त्रिक अधिकारीहरूको रक्षा गर्नु हो, तर अहिलेघरि उसको कार्यप्रणालीमाथि प्रश्न उठिरहेको छ। उनले भने, संवैधानिक संस्थाहरूले कुनै पनि राजनीतिक प्रभावदेखि मुक्त रहेर कार्य गर्नुपर्छ।

उनले कङ्ग्रेस नेता मीनाक्षी नटराजनको नामाङ्कन रद्द गरिएको सहित केही घटनाहरूको उल्लेख गर्दै आरोप लगाए, यसबाट यो धारणा अझ मजबुत हुन्छ कि लोकतान्त्रिक संस्थाहरूमाथि राजनीतिक दबाव बढ़िरहेको छ।

विनोद जाखड़ले भने, शान्तिपूर्ण प्रदर्शनलाई पुलिस कारबाहीको माध्यमबाट दबाउने प्रयास दुर्भाग्यपूर्ण छ। हिरासतमा लिएर लोकतान्त्रिक प्रश्नहरूलाई दबाउन सकिँदैन। एनएसयूआई लोकतन्त्र, पारदर्शित औ संस्थागत स्वतन्त्रताको रक्षाको लागि आन्दोलनलाई जारी राखिनेछ।

हिन्दुस्थान समाचार / उष्णता छेत्री शर्मा